కామారెడ్డిలో విశ్వహిందూ పరిషత్, బజరంగ్ దళ్ ఆధ్వర్యంలో హనుమాన్ విజయ యాత్ర
|
|
by Suryaa Desk | Wed, Mar 04, 2026, 10:13 PM
నెయ్యి మన హిందువులకి అత్యంత పవిత్రమైన పదార్థం. ఇది ఇంట్లో పూజల్లో, పిల్లల అన్నంలో, శుభకార్యాల వంటల్లో ఉపయోగిస్తారు. అయితే ఆ పవిత్ర రుచిలో విషం కలిపితే… అది కేవలం కల్తీ కాదీ, మనసులపై దాడి లాంటిది.తాజాగా హైదరాబాద్లో మరో కల్తీ నెయ్యి కేంద్రం గుట్టరట్టయింది. బంజారాహిల్స్లోని రోడ్ నం.12లోని ప్రైడ్ డెయిరీ యూనిట్పై టాస్క్ ఫోర్స్, మాసబ్ ట్యాంక్ పోలీసులు దాడి చేశారు. యజమాని మొహమ్మద్ జునైద్ హుస్సేన్ (26)ను అరెస్ట్ చేశారు.దాడిలో పోలీసులు 460 కిలోల కల్తీ నెయ్యి, 70 కిలోల మిశ్రమ నెయ్యి, 2,090 కిలోల ఆవు పాల మీగడ, 1,170 కిలోల గేదె పాల మీగడ స్వాధీనం చేసుకున్నారు. అదనంగా వనస్పతి పదార్థాలు, ఆయిల్ ప్యాకెట్లు, బాయిలర్లు, ప్యాకింగ్ యంత్రాలు, తూకం యంత్రాలు, గ్యాస్ సిలిండర్లు, డ్రమ్లు, కవర్లు కూడా సీజ్ అయ్యాయి.యూనిట్ పరిస్థితిని పరిశీలించిన పోలీసులు, ఇది చిన్న యూనిట్ కాకుండా పద్ధతిగా నడుస్తున్న పెద్ద నెట్వర్క్ అని గుర్తించారు. యూనిట్కు లైసెన్స్ ఉన్నప్పటికీ, తక్కువ నాణ్యత గల పామ్ ఆయిల్, వనస్పతి పదార్థాలను మీగడల్లో కలిపి, నకిలీ నెయ్యి తయారు చేస్తున్నట్లు అధికారులు గుర్తించారు. ఆ తర్వాత, అది అసలైన నెయ్యిగా చూపిస్తూ హోటళ్లు, శుభకార్యాల నిర్వాహకులకు విక్రయించబడుతోందని పోలీసులు చెప్పారు.ఈ అక్రమ దందా ప్రజల ఆరోగ్యం, నమ్మకాన్ని దాటువెట్టి లాభం కోసం మాత్రమే సాగుతోంది. ఈ ఘటనపై మాసబ్ ట్యాంక్ పోలీస్ స్టేషన్లో BNS సెక్షన్లు 318(4), 274, 275 కింద కేసు నమోదు చేశారు. అదనపు డీసీపీ అందె శ్రీనివాసరావు పర్యవేక్షణలో టాస్క్ ఫోర్స్, స్థానిక పోలీసులు దాడి నిర్వహించారు.అరకొర వెలుగు చూసిన ఈ దాడిలో కనిపించని అనేక దారుణాలు బయటపడ్డాయి. తినేది, తాగేది అన్నీ ప్రభావితమవుతున్నందున, ప్రజలందరికీ జాగ్రత్త అవసరం అని నిపుణులు సూచిస్తున్నారు.
