BREAKING
ఉచిత మెగా వైద్య శిబిరం చేరుకులపాడు సర్పంచ్ అభ్యర్థిగా శకుంతలమ్మ నామినేషన్ పోలియో చుక్కల కార్యక్రమాన్ని ప్రారంభించిన డీసీసీ అధ్యక్షులు పట్లోళ్ల చంద్రశేఖర్ రెడ్డి. పల్స్ పోలియో - మన పిల్లల భవిష్యత్తుకు రక్షణ టెలికం బోర్డు మెంబర్ బీజేపీ జిల్లా నాయకులు బైండ్ల కుమార్ పేకాట స్థావరంపై పోలీసుల దాడి నూతన వధూవరులను ఆశీర్వదించిన ఎమ్మెల్యే.. రెండు చుక్కలు జీవితానికి రక్షణ: సర్పంచ్ మేఘనాథ్ రెడ్డి నిరుపేదలకు ఆరోగ్య భరోసా కల్పించడమే లక్ష్యం లయన్స్ క్లబ్ నేరేడుచర్ల ఆధ్వర్యంలో ఉచిత వైద్య శిబిరం పల్స్ పోలియో చుక్కలు వేయించాలి: సర్పంచ్ బొక్క సువర్ణ అంజిరెడ్డి స్థానిక సంస్థల ఎన్నికల్లో కూటమి విజయానికి కృషి చేసిన నాయకులు, కార్యకర్తలకు ధన్యవాదాలు...గుత్తుల సాయి… ఎన్విడియాకు మరో భారీ షాక్: జెన్సెన్ హువాంగ్ నిష్క్రమణ తర్వాత అకౌంటింగ్ అవకతవకలపై యూఎస్ ఎస్‌ఈసీ దర్యాప్తు! రాచులూర్ లో పల్స్ పోలియో కార్యక్రమం డీసీసీ అధ్యక్షుడిగా ధారాసింగ్ నాయక్‌కు ఏడాది పూర్తి.. పెద్దేముల్ మండల కాంగ్రెస్ నేతల శుభాకాంక్షలు ప్రతి చిన్నారికి పోలియో చుక్కలు వేయించాలి ఎన్.నగరం సర్పంచ్ బరిలో లక్ష్మీదేవమ్మ, గాయత్రి ఎంపీడీవో కార్యాలయంలో వేర్వేరుగా నామినేషన్ల దాఖలు తరలివచ్చిన గ్రామస్థులు, మద్దతుదారులు.. సందడిగా మారిన పరిసరాలు

మహిమగల తల్లి గుబ్బల మంగమ్మ.. దట్టమైన అడవిలో కొలువైన గిరిజనుల ఆరాధ్య దైవం

Select Suryaa Now
మహిమగల తల్లి గుబ్బల మంగమ్మ.. దట్టమైన అడవిలో కొలువైన గిరిజనుల ఆరాధ్య దైవం

సూర్య ఆంధ్రప్రదేశ్ డెస్క్: పశ్చిమగోదావరి జిల్లా బుట్టాయగూడెం మండలం కోర్సవారిగూడెం పంచాయతీ పరిధిలో అందమైన అడవి మధ్యలో ఎత్తైన కొండలు, సెలయేర్ల నడుమ వెలసిన మహిమగల అమ్మవారు గుబ్బల మంగమ్మ భక్తుల పూజలందుకుంటోంది. దట్టమైన అటవీ ప్రాంతంలో గుబ్బలుగా ఉన్న గుహలో వెలయడం వల్ల ఈ పేరు వచ్చింది. గిరిజనుల ఆరాధ్య దైవంగా పూజలందుకుంటున్న మంగమ్మ భక్తుల కోర్కెలు తీర్చే తల్లిగా పేరుపొందడంతో, ప్రతిఏటా లక్షలాది మంది భక్తులు వచ్చి తమ మొక్కులు తీర్చుకుంటారు. ఆదివాసీల ఆరాధ్య దైవమైన ఈ అమ్మవారికి గిరిజనులే పూజారులుగా వ్యవహరిస్తుండగా, ఇక్కడ అటవీ ఉత్పత్తులు, రోకళ్లు, వెదురు చేటల విక్రయం ద్వారా అనేక మంది కొండరెడ్డి గిరిజనులు ఉపాధి పొందుతున్నారు.

మంగమ్మతల్లి వెలిసిన సమీపంలో సంతాన వృక్షంగా పేరుగాంచిన గానుగ చెట్టు ఉంది. పిల్లలు పుట్టని దంపతులు అమ్మను దర్శించుకున్నాక పసుపు, కుంకుమను ఎర్రని వస్త్రంలో పెట్టి చెట్టు కొమ్మకు కడితే అమ్మ అనుగ్రహంతో సంతానం కలుగుతుందని భక్తుల ప్రగాఢ విశ్వాసం. ప్రతీ ఆది, మంగళ, శుక్రవారాల్లో భక్తుల తాకిడి ఎక్కువగా ఉంటుందని, ఆదివారాల్లో 3 వేల మందికి పైగా, మంగళ, శుక్రవారాల్లో 2 నుంచి 3 వేల మంది వరకూ భక్తులు వస్తుంటారు. కామవరం దాటిన తర్వాత దట్టమైన అడవి మార్గంలో సాగే ఈ ప్రయాణం భక్తులకు ఎంతో ఆహ్లాదాన్ని పంచుతుంది. జంగారెడ్డిగూడెం నుంచి బుట్టాయగూడెం, దొరమామిడి, గాడిదబోరు, పందిరిమామిడిగూడెం మీదుగా ఈ దివ్యక్షేత్రానికి చేరుకోవచ్చు.