కొండా లక్ష్మణ్ బాపూజీ త్యాగాలు చిరస్మరణీయం

సూర్య జగిత్యాల ప్రతినిధి:  తెలంగాణ రాష్ట్ర సాధన కోసం కొండా లక్ష్మణ్ బాపూజీ చేసిన కృషి, త్యాగాలు చిరస్మరణీయమని జగిత్యాల పట్టణ పద్మశాలి సేవా సంఘం నూతన హడక్ కమిటీ కన్వీనర్ బాలే చంద్రశేఖర్ ,కో కన్వీనర్  వీరబత్తిని అనిల్ కుమార్, కౌన్సిలర్ మానపురి పవిత్ర మహేష్ అన్నారు. కొండా లక్ష్మణ్ బాపూజీ 14వ వర్ధంతిని పురస్కరించుకుని సోమవారం జగిత్యాల కేంద్రంలోని అంగడి బజార్  వద్ద ఆయన విగ్రహానికి పద్మశాలి సేవా సంఘం హడక్ కమిటీ సభ్యులు నాయకులు, కౌన్సిలర్లు పూలమాల వేసి ఘనంగా నివాళులర్పించారు.