టాలీవుడ్లోకి బాలీవుడ్ సంచలన చిత్రం.. తెలుగులో ‘హనుమాన్ అంశ్’ విడుదల తేదీ ఖరారు!
సూర్యా న్యూస్ డెస్క్
ప్రముఖ ఆధ్యాత్మిక గురువు నీమ్ కరోలి బాబా జీవిత చరిత్ర ఆధారంగా తెరకెక్కిన బాలీవుడ్ సంచలన భక్తిరస చిత్రం 'హనుమాన్ అంశ్' తెలుగు ప్రేక్షకులను అలరించేందుకు సిద్ధమైంది. ప్రముఖ దర్శకుడు త్రివిక్రమ్ శ్రీనివాస్ సమర్పణలో ఈ సినిమా సెప్టెంబర్ 18న గ్రాండ్గా విడుదల కానుంది.
ఉత్తరాది ప్రేక్షకులను విశేషంగా ఆకట్టుకుని బాక్సాఫీస్ వద్ద భారీ వసూళ్లను రాబట్టిన సంచలన భక్తిరస చిత్రం ఇప్పుడు తెలుగు తెరపైకి వచ్చేందుకు రంగం సిద్ధం చేసుకుంది. ప్రముఖ ఆధ్యాత్మిక గురువు నీమ్ కరోలి బాబా జీవితాధారంగా తెరకెక్కిన చిత్రం 'హనుమాన్ అంశ్'. ఎలాంటి భారీ అంచనాలు లేకుండా చిన్న చిత్రంగా బాలీవుడ్లో అడుగుపెట్టిన ఈ సినిమా, అనూహ్య విజయాన్ని సొంతం చేసుకుని దేశవ్యాప్తంగా సినీ విశ్లేషకుల దృష్టిని ఆకర్షించింది. ఈ నేపథ్యంలోనే సినిమాను దక్షిణాది భాషల్లోనూ విడుదల చేయాలని మేకర్స్ నిర్ణయించారు.
ఈ క్రమంలోనే తెలుగు ప్రేక్షకులకు ఈ దివ్యమైన అనుభూతిని పంచేందుకు తలపెట్టిన ఈ చిత్రానికి సంబంధించిన తెలుగు థియేట్రికల్ రిలీజ్ డేట్ ఖరారైంది. సెప్టెంబర్ 18న ఈ చిత్రాన్ని అత్యంత వైభవంగా తెలుగు ప్రేక్షకుల ముందుకు తీసుకురానున్నట్లు అధికారిక ప్రకటన వెలువడింది. టాలీవుడ్ ప్రముఖ దర్శకుడు, మాటల మాంత్రికుడు త్రివిక్రమ్ శ్రీనివాస్ ఈ చిత్రానికి సంబంధించిన తెలుగు వెర్షన్ను సమర్ధిస్తుండటం విశేషం. అలాగే ఫార్చున్ ఫోర్ సినిమాస్ బ్యానర్పై ఈ సినిమా తెలుగు విడుదల బాధ్యతలను ప్రతిష్టాత్మకంగా చేపట్టారు.
శాల్ చతుర్వేది దర్శకత్వంలో రూపుదిద్దుకున్న ఈ చిత్రంలో శోభినావ్ సత్య, విహాన్ శెడ్గే తదితరులు కీలక పాత్రల్లో నటించారు. నీమ్ కరోలి బాబా బోధనలు, ఆయన జీవితంలోని ముఖ్యమైన ఘట్టాలు, భక్తుల భావోద్వేగాలను ఈ సినిమాలో సహజంగా ఆవిష్కరించిన తీరు అందరినీ ఆకట్టుకుంటోంది. హిందీలో చిన్న బడ్జెట్తో ప్రారంభమై బాక్సాఫీస్ వద్ద కోట్ల కలెక్షన్లతో దూసుకెళ్లిన ఈ చిత్రం, ఇప్పుడు తెలుగులోనూ అదే స్థాయి స్పందనను రాబట్టుకుంటుందని సినీ వర్గాలు అంచనా వేస్తున్నాయి. త్రివిక్రమ్ భాగస్వామ్యం లభించడం వల్ల తెలుగు రాష్ట్రాల్లో ఈ చిత్రంపై అప్పుడే భారీ అంచనాలు నెలకొన్నాయి.
