రెండు స్మారక తపాలా బిళ్ళలను ఆవిష్కరించిన ప్రధాని మోదీ

న్యూఢిల్లీ:న్యూఢిల్లీలోని భారత్ మండపంలో జరుగుతున్న 18వ బ్రిక్స్ శిఖరాగ్ర సమావేశం సందర్భంగా, కూటమి 20 ఏళ్ల ప్రయాణాన్ని పురస్కరించుకుని ప్రధానమంత్రి నరేంద్ర మోదీ శనివారం రెండు స్మారక తపాలా బిళ్ళలను (Commemorative Postage Stamps) ఆవిష్కరించారు. ప్రధానమంత్రి కార్యాలయం (PMO) విడుదల చేసిన ప్రకటన ప్రకారం, ఈ స్మారక బిళ్ళలపై “BRICS: Two Decades of Cooperation, 2006–2026” అని ఇంగ్లీష్, హిందీ భాషలలో ముద్రించారు.

ఈ రెండు తపాలా బిళ్ళలు భారత్ అధ్యక్షతన "స్థితిస్థాపకత, ఆవిష్కరణ, సహకారం మరియు సుస్థిరత కోసం నిర్మాణం" అనే ఇతివృత్తం కింద చేపట్టిన ప్రాధాన్యతలను చాటిచెబుతున్నాయి. మొదటి తపాలా బిళ్ళ పరస్పర గౌరవం, అవగాహన మరియు సంఘీభావ స్ఫూర్తితో ఒక ప్రపంచ వేదికగా బ్రిక్స్ ఆవిర్భవించిన తీరుకు ప్రతీకగా నిలవగా; రెండవ తపాలా బిళ్ళ ప్రధాని మోదీ "మానవత్వమే ప్రథమం" అనే దార్శనికతను, ప్రజల-కేంద్రీకృత విధానాన్ని ప్రతిబింబించే బ్రిక్స్ లోగోతో రూపొందించబడింది. రెండు దశాబ్దాల బ్రిక్స్ ప్రగతిని చాటుతూ ఈ స్మారక బిళ్ళలను విడుదల చేయడం విశేషం.