by Suryaa Desk | Tue, Mar 10, 2026, 03:32 PM

ఇరాన్–ఇజ్రాయెల్ యుద్ధ ప్రభావం భారతీయ వ్యవసాయం, ముఖ్యంగా చక్కెర పరిశ్రమపై పడుతోంది. యుద్ధ పరిస్థితుల నేపథ్యంలో కేంద్రం చక్కెర ఎగుమతుల కోటాను దాదాపు నిలిపివేయడంతో దేశీయ మార్కెట్లో సరఫరా పెరిగింది. దీంతో క్వింటాల్ చక్కెర ధర రూ.3700 నుంచి సుమారు రూ.3200కు పడిపోయింది. ధరలు తగ్గడంతో చెరకు రైతులు, చక్కెర కర్మాగారాలు ఆర్థిక ఒత్తిడిని ఎదుర్కొంటున్నాయి. ఇదే సమయంలో గుడి పద్వా పండుగకు ఉపయోగించే చక్కెర దండల ధరలు ముడి పదార్థాల ఖర్చు పెరగడంతో దాదాపు 40 శాతం పెరిగినట్లు వ్యాపారులు చెబుతున్నారు.