మహానంది టోల్ గేట్ వేలంలో భారీ ఆదాయం

by Suryaa Desk | Wed, Jan 28, 2026, 07:03 PM

మహానంది పుణ్యక్షేత్రంలో ఉభయ టోల్ గేట్ల లైసెన్స్ హక్కుల బహిరంగ వేలం బుధవారం జరిగింది. ఈ వేలంలో అత్యధికంగా రూ. 1,70,20,000 వరకు పాట వెళ్లింది. సీల్డ్ టెండర్లలో దీనికంటే అధిక మొత్తాలకు కూడా దరఖాస్తులు వచ్చినట్లు అధికారులు తెలిపారు. సెల్‌ఫోన్ లాకర్లకు రూ. 22.30 లక్షలు, పాదరక్షల భద్రతకు రూ. 11.50 లక్షల వరకు టెండర్లు దాఖలయ్యాయి. ఈ వేలం ద్వారా దేవస్థానానికి గణనీయమైన ఆదాయం సమకూరింది.