by Suryaa Desk | Mon, Dec 15, 2025, 11:38 PM

మనకి ఏదైనా సమస్య వచ్చినప్పుడు దానికి పరిష్కారం కోసం వెతుకుతాం. కానీ, ఆ పరిష్కారం వెతికే ముందు అసలు సమస్య ఎందుకొచ్చిందో తెలుసుకోవాలి. అప్పుడు దాన్నుంచి ఈజీగా బయటపడొచ్చు. ఇందులో భాగంగానే పెదాలు నల్లగా మారాయంటే దానిని కవర్ చేయడానికి లిప్‌ బామ్, లిప్‌స్టిక్స్ వంటివి రాసే ముందు సమస్య ఎందుకొస్తుందో తెలుసుకోవాలి. దీనికోసం కాస్మెటాలజిస్ట్ హదియా సమస్య గురించి చెబుతున్నారు. సమస్య ఏ కారణం వల్ల వస్తుందో తెలుసుకుని వాటిని అవాయిడ్ చేయాలని సూచిస్తున్నారు. అందుకోసం.

పెదాలను నాకడంతో సమస్య

పెదవులని రెగ్యులర్‌గా నాలుకతో నాకడం, తడపడం వల్ల లిప్ పిగ్మెంటేషన్ వస్తుంది. ఎందుకంటే లాలాజలం జీర్ణ ఎంజైమ్స్ చర్మం రక్షణ అవరోధాన్ని విచ్ఛిన్నం చేస్తాయి. దీని వల్ల వాపు, పొడిబారడం, మెలనిన్ ఉత్పత్తి పెరుగుతుంది. పొడిగా ఉన్న పెదాలను తరచుగా నాలుకతో అదమడం, నాకడం వల్ల సమస్య పెరుగుతుంది. దీనిని లిప్ లిక్కర్స్ డెర్మటైటిస్ అంటారు. ఎండలో ఉండడం, డీహైడ్రేషన్, చికాకు కారణంగా సమస్య పెరుగుతుంది.

ఏం చేయాలి?

సమస్య రాకుండా ఉండాలంటే ముందుగా మంచి లిప్‌బామ్ వాడాలి. నేచురల్ కెమికల్స్ లేని లిప్ బామ్ వాడడం మంచిది. SPF బామ్ వాడితే చాలా మంచి రిజల్ట్ ఉంటుంది. దీంతో పాటు నీటిని ఎక్కువగా తీసుకోవాలి. నీరు తీసుకుంటే హైడ్రేట్‌గా ఉంటారు. దీంతో పెదాలు ఆరిపోవు. పెదాలని నాకాల్సిన అవసరం రాదు.

విటమిన్ డి, బి12 లోపం కారణంగా

​విటమిన్ బి12, విటమిన్ డి లోపాల కారణంగా పెదాలపై పిగ్మెంటేషన్ పెరుగుుతంది. ముఖ్యంగా, నోటి చుట్టూ హైపర్ పిగ్మెంటేషన్ పెరుగుతుంది. ఎందుకంటే, ఈ విటమిన్స్ చర్మ ఆరోగ్యం, కణాల పనితీరు, రంగు మారకుండా నిరోధించడానికి చాలా ముఖ్యమైనవి. బి12 లోపం కారణంగా నల్లని మచ్చలు ఏర్పడతాయి. డి లోపం మొత్తం చర్మ రంగుని ఎఫెక్ట్ చేస్తుంది. బి12 లోపం కారణంగా మెలనిన్ పెరుగుతుంది. దీంతోనే సమస్య పెరుగుతుంది.

ఏం చేస్తే సమస్య తగ్గుతుందంటే

సమస్య పెరగకుండా ఉండాలంటే డాక్టర్‌ని కన్సల్ట్ అవ్వడం మంచిది. అంతేకాకుండా విటమిన్ బి12 ఫుడ్స్ అయిన మీట్, డెయిరీ, గుడ్లు, విటమిన్ డి ఫుడ్స్ అయిన ఫ్యాటీ ఫిష్ తీసుకోవడం మంచిది. దీంతో పాటు ఎండలో ఉండాలి. మీకు ఉన్న సమస్యని బట్టి డాక్టర్ సప్లిమెంట్స్‌ని సజెస్ట్ చేస్తారు. కాబట్టి, వాటిని కూడా వాడొచ్చు.

పెదాలు నల్లగా మారడానికి కారణాలు

​కెమికల్ టూత్‌పేస్ట్, లిప్‌స్టిక్ వాడడం

మనం వాడే టూత్‌పేస్ట్, లిప్‌స్టిక్స్, ఇతర ప్రోడక్ట్స్‌లో కూడా కెమికల్స్ ఎక్కువగా ఉన్నా, చౌకబారు ప్రోడక్ట్ వాడినా సమస్య పెరుగుతుంది. కాబట్టి, అలాంటివి కాకుండా, డాక్టర్ రికమెండ్ చేసిన ప్రోడక్ట్స్ వాడడం మంచిది. ఇక కాస్మెటిక్స్ విషయానికొస్తే సన్‌స్క్రీన్ ప్రొటెక్షన్ ఉన్న ప్రోడక్ట్స్ వాడడం మంచిది. వీటి వల్ల పెదాలు నల్లగా కాకుండా ఉంటాయి. పిగ్మెంటేషన్ తగ్గుతుంది. ఇలాంటి జాగ్రత్తలు తీసుకుంటే ఆటోమేటిగ్గా లిప్ పిగ్మెంటేషన్ తగ్గుతుంది. అంతేకానీ, అనవసరమైన ప్రోడక్ట్స్ వాడడం మంచిది కాదు.