by Suryaa Desk | Sat, May 17, 2025, 11:57 PM

బాదం పప్పు తినడానికి రుచిగా ఉంటుంది. బాదం పప్పులో విటమిన్లు, ఖనిజాలు, ఆరోగ్యకరమైన కొవ్వులు, ఫైబర్ పుష్కలంగా ఉండటం వల్ల బాదం పప్పుని సూపర్ ఫుడ్ అంటారు.

బాదం పప్పుతో పాటు తినకూడని ఫుడ్స్

బాదం పప్పుతో పాటు తినకూడని ఫుడ్స్

​బాదం పప్పులో ఉండే ఎల్ కార్నిటైన్, న్యూట్రియంట్స్ బ్రెయిన్‌ను చురుగ్గా ఉంచుతాయని ఎక్స్‌పర్ట్స్ చెబుతున్నారు. బాదం పప్పులో మోనోశాచురేటెట్ ఫ్యాట్స్ ఉన్నాయి. ఇవి గుండె ఆరోగ్యానికి మేలు చేస్తాయి. అయితే, బాదం పప్పుతో కలిపి తినకూడని కొన్ని ఆహారాలు ఉన్నాయి. వీటిని తింటే కడుపు సంబంధిత సమస్యలు వస్తాయని నిపుణులు చెబుతున్నారు. ఆ ఫుడ్స్ ఏంటో తెలుసుకుందాం.

సిట్రస్ ఫ్రూట్స్

​బాదం పప్పు ఆరోగ్యకరమైన కొవ్వులు, ప్రోటీన్లతో నిండి ఉంటాయి. ఇక, సిట్రస్ ఫ్రూట్స్ అయిన నారింజ, గ్రేప్ ఫ్రూట్స్, నిమ్మకాయల్లో సిట్రిక్ యాసిడ్ ఎక్కువగా ఉంటుంది. అందుకే ఈ రెండింటినీ కలిపి తీసుకోకూడదని ఎక్స్‌పర్ట్స్ చెబుతున్నారు. ఈ రెండింటినీ కలిపి తీసుకోవడం వల్ల జీర్ణవ్యవస్థపై ప్రభావం చూపుతుంది. గుండెల్లో మంట, ఆమ్లత్వం లేదా గ్యాస్ వంటి సమస్యలు తలెత్తవచ్చు.

పాలు, డైయిరీ ప్రొడక్ట్స్

బాదం పప్పు, పాలు రెండూ పోషకాలతో సమృద్ధిగా ఉంటాయి. కానీ పాలతో బాదంపప్పును అధికంగా తీసుకోవడం వల్ల జీర్ణ సమస్యలు వస్తాయి. ముఖ్యంగా లాక్టోస్ అసహనం ఉన్నవారికి ఈ కలయిక మంచిది కాదు. రెండూ కలిపి తీసుకోవడం వల్ల జీర్ణం చేసుకోవడంలో ఇబ్బంది పడవచ్చు.

ఆక్సలేట్ అధికంగా ఉండే ఆహారాలు

ఆక్సలేట్ అధికంగా ఉండే పాలకూర, బీట్‌రూట్, మెంతులతో కలిపి బాదం పప్పు తినకూడదని నిపుణులు చెబుతున్నారు. ఆక్సలేట్ అధికంగా ఉండే ఆహారాలతో బాదం తినడం వల్ల కాల్షియం శోషణ తగ్గుతుంది. ఇది ఎముకల ఆరోగ్యాన్ని ప్రభావితం చేస్తుంది. అంతేకాకుండా వీటి వల్ల మూత్రపిండాల్లో రాళ్లు కూడా ఏర్పడతాయని నిపుణులు అంటున్నారు.

వేయించిన ఆహారాలు

బాదంపప్పుల్ని అధిక కొవ్వు గింజలుగా పరిగణిస్తారు. అధిక మసాలాలు, ఆల్కహాల్, స్నాక్స్ లేదా వేయించిన ఆహారాలతో కలిపి తినకూడదని ఎక్స్‌పర్ట్స్ చెబుతున్నారు. ఈ కాంబినేషన్ తినడం వల్ల కడుపులో బరువు, ఆమ్లత్వం, గ్యాస్ వంటి సమస్యలు వచ్చే అవకాశం ఉంది.

సోయా ఉత్పత్తులు

టోఫు వంటి సోయా ఆధారిత ఆహారాలలో ఫైటేట్స్ అనే సమ్మేళనాలు ఉంటాయి. ఇవి ఐరన్, కాల్షియం, జింక్ వంటి వాటితో ప్రతి చర్య జరిపి శోషణను నిరోధిస్తాయి. మరోవైపు బాదం అధిక మొత్తంలో మినరల్స్ కలిగి ఉంటాయి. ఈ రెండింటిని కలిపి తీసుకోవడం వల్ల ఐరన్, కాల్షియం శోషణ పరిమితం అవుతుంది.

ప్రాసెస్ చేసిన చక్కెర

బాదంపప్పుతో పాటు ప్రాసెస్ చేసిన చక్కెరలు లేదా చక్కెర టాపింగ్స్ వంటివి తీసుకోకూడదు. వీటిని కలిపి తీసుకోవడం వల్ల వాటి ప్రయోజనాలు నశిస్తాయి. దీంతో బరువు పెరిగే అవకాశం ఉంది.

ఉప్పు ఎక్కువగా ఉండే ఫుడ్స్

ఉప్పు ఎక్కువగా ఉండే చిప్స్, ఫ్రై ఫుడ్స్‌తో కలిపి బాదం పప్పును తినకూడదు. ఇది ఓవరాల్‌గా ఆరోగ్యానికి మంచిది కాదని నిపుణులు చెబుతునన్నారు. అందుకే ఈ ఫుడ్ కాంబినేషన్‌ను అవాయిడ్ చేస్తే మంచిది.