by Suryaa Desk | Tue, Mar 12, 2024, 12:35 PM

రాష్ట్రంలో వైయ‌స్ఆర్‌సీపీ ప్రభుత్వం సంక్షేమ రాజ్యాన్ని నడిపిస్తోందని ఆ పార్టీ కేంద్ర కార్యాలయం పర్యవేక్షకుడు, శాసనమండలిలో విప్‌ లేళ్ల అప్పిరెడ్డి అన్నారు. ఆయన పార్టీ కేంద్ర కార్యాలయంలో సోమవారం మీడియాతో మాట్లాడారు. ప్రపంచ చరిత్రలో ఏ రాజకీయ పార్టీ ఎదుర్కోనన్ని సవాళ్లు, దాడులను వైయ‌స్ఆర్‌సీపీ ఎదుర్కొందని తెలి­పారు. వాటన్నింటినీ ఎదుర్కొంటూ వైఎస్‌ జగన్‌ ప్రజా సమస్యల పరిష్కారం కోసం అలుపెరగని పోరా­టం చేశారని తెలిపారు. అధికారంలోకి వచ్చా­క సంక్షేమాభివృద్ధి పథకాలు, విప్లవాత్మక సంస్కరణలతో సుపరిపాలన అందిస్తున్నారని కొనియాడారు. వచ్చే ఎన్నికల్లో జతకట్టిన జెండాలన్నీ కనుమరుగవుతాయని అప్పిరెడ్డి జోస్యం చెప్పారు. 2019కి మించిన మెజారిటీతో వైయ‌స్ఆర్‌సీపీ గెలుస్తుందన్నారు.