'రంగమార్తాండ' రేపటి నుండి మీ అభిమాన థియేటర్లలో
cinema | Suryaa Desk | Published : Tue, Mar 21, 2023, 06:00 PM
సృజనాత్మక దర్శకుడు కృష్ణవంశీ దర్శకత్వంలో, ప్రకాష్ రాజ్, రమ్యకృష్ణ, బ్రహ్మానందం ప్రధానపాత్రలు పోషిస్తున్న చిత్రం "రంగమార్తాండ". లిరికల్స్ సాంగ్స్ తో ప్రేక్షకుల దృష్టిని విశేషంగా ఆకర్షిస్తున్న ఈ చిత్రం, మరాఠీ సూపర్ హిట్ ఎమోషనల్ డ్రామా 'నట్ సామ్రాట్' కి అఫీషియల్ తెలుగు రీమేక్ గా రూపొందుతుంది.
ఈ సినిమాలో అనసూయ భరద్వాజ్, ఆదర్శ్, అలీరేజా, శివాత్మిక, రాహుల్ సిప్లిగంజ్, తనికెళ్ళ భరణి ముఖ్యపాత్రల్లో నటిస్తున్నారు. మ్యూజిక్ మ్యాస్ట్రో ఇళయరాజా గారు సంగీతం అందించారు. రాజశ్యామల ఎంటర్టైన్మెంట్స్, హౌస్ ఫుల్ మూవీస్ బ్యానర్ లపై కాలెపు మధు, ఎస్ వెంకటరెడ్డి నిర్మిస్తున్నారు.
కొన్ని రోజుల నుండి స్పెషల్ ప్రీమియర్స్ జరుపుకుంటున్న ఈ సినిమాకు క్రిటిక్స్ మరియు సెలెబ్రిటీల నుండి పాజిటివ్ రెస్పాన్స్ వస్తుంది. ఉగాది కానుకగా ఈ నెల 22 న అంటే రేపే రంగమార్తాండ థియేటర్లకు రాబోతుంది. చూసిన ప్రతి ఒక్కరూ సినిమా చాలా బాగుంది అని కృష్ణవంశీ గారిని తెగ మెచ్చుకుంటున్నారు. మనకు ఎన్నో గొప్ప గొప్ప చిత్రాలు ఇచ్చి, మనల్ని అలరించిన ఈ లెజెండ్ యొక్క లేటెస్ట్ మూవీ రంగమార్తాండను రేపు థియేటర్లలో చూసి ఆయన పట్ల మన ప్రేమను మరోసారి చూపిద్దాం.
|
|