క్రేజీ మల్టీస్టారర్ కోసం "జైలర్" వెనక్కి తగ్గాడా..?
cinema | Suryaa Desk | Published : Sun, Jan 22, 2023, 10:04 AM
సూపర్ స్టార్ రజినీకాంత్, డైరెక్టర్ నెల్సన్ దిలీప్ కుమార్ కలయికలో "జైలర్" సినిమా రూపొందుతున్న విషయం తెలిసిందే. ప్రస్తుతం శరవేగంగా షూటింగ్ జరుపుకుంటున్న ఈ సినిమా నుండి మేకర్స్ ఒక్కొక్క కీలకపాత్రను పరిచయం చేస్తూ, సినిమాపై ఆడియన్స్ అటెన్షన్ ను రోజురోజుకూ పెంచుతున్నారు.
మేకర్స్ గతంలో చేసిన ఎనౌన్స్మెంట్ ప్రకారం, జైలర్ మూవీ ఏప్రిల్ 14 న విడుదల కావలసి ఉంది. తాజా బజ్ ప్రకారం, జైలర్ మూవీ ఆగస్టు 11కి వాయిదా పడినట్టు తెలుస్తుంది. ఐతే, ఈ విషయంపై మేకర్స్ నుండి ఇంకా ఎలాంటి కన్ఫర్మేషన్ రాలేదు.
ఏప్రిల్ 28వ తేదీన పాన్ ఇండియా భాషల్లో ఘనంగా విడుదల కావడానికి ముస్తాబవుతోంది మణిరత్నం డ్రీమ్ ప్రాజెక్ట్ పొన్నియిన్ సెల్వం 2. ఇందులో విక్రమ్, ఐశ్వర్యా రాయ్, త్రిష, కార్తీ, జయంరవి, ప్రకాష్ రాజ్, శోభితా, ఐశ్వర్య లక్ష్మి తదితరులు ముఖ్యపాత్రలు పోషిస్తున్నారు. ఈ క్రేజీ మల్టీస్టారర్ కోసం జైలర్ విడుదల వాయిదా పడిందని కొంతమంది తమ అభిప్రాయాన్ని వ్యక్తం చేస్తున్నారు.
|
|