'అవతార్ 2' ట్రైలర్ ఈ తేదీన విడుదల కానుందా?
cinema | Suryaa Desk | Published : Mon, Oct 31, 2022, 08:51 PM
సినిమా ప్రపంచంలో టాప్ డైరెక్టర్స్ లో జేమ్స్ కామెరూన్ ఒకరు. ఈ స్టార్ డైరెక్టర్ కెరీర్లో కొన్ని మైండ్ బ్లోయింగ్ సినిమాలని తీశారు. టైటానిక్, అవతార్ లాంటి సినిమాలతో సినిమా ప్రేమికులని అండ్ ప్రేక్షకులని మెస్మరైజ్ చేశాడు. చాలా కాలంగా ఈ డైరెక్టర్ అవతార్ సీక్వెల్ కోసం పని చేస్తున్న సంగతి అందరికి తెలిసందే. ఈ సైన్స్ ఫిక్షన్ మూవీలో సామ్ వర్తింగ్టన్ కథానాయకుడిగా నటించారు. అవతార్ సీక్వెల్ గా రానున్న ఈ మూవీకి 'అవతార్: ది వే ఆఫ్ వాటర్' అనే టైటిల్ ని మేకర్స్ లాక్ చేసారు.
లేటెస్ట్ అప్డేట్ ప్రకారం, ఈ సినిమా తొలి ట్రైలర్ని బుధవారం విడుదల చేయనున్నట్టు సమాచారం. కొన్ని నెలల క్రితం విడుదలైన టీజర్తో ఈ సినిమాపై భారీ అంచనాలు ఏర్పడ్డాయి. డిసెంబర్ 16, 2022న ప్రపంచవ్యాప్తంగా 160కి పైగా భాషల్లో ఈ సినిమా విడుదల కానుంది. ఈ చిత్రంలో జో సల్దానా, సామ్ వర్తింగ్టన్, సిగౌర్నీ వీవర్ మరియు ఇతరులు కీలక పాత్రల్లో నటిస్తున్నారు. లైట్స్టార్మ్ ఎంటర్టైన్మెంట్ మరియు TSG ఎంటర్టైన్మెంట్లు ఈ సినిమాని నిర్మిస్తున్నాయి.
|
|