సూర్యకి పెద్ద తలనొప్పిగా మారిన సాయి పల్లవి
cinema | Suryaa Desk | Published : Tue, Jan 30, 2018, 02:58 PM
సాయి పల్లవి.. ఒక్క ఫిదా మూవీతో స్టార్ స్టేటస్ ఇమేజ్ ను స్వంతం చేసుకున్న నటి..నటనలోనూ, డ్యాన్స్ లోనూ అదరగొట్టేస్తున్న సాయి పల్లవికి అవకాశాలు వెతుక్కుంటూ మళ్లీ వస్తున్నాయి.. అయితే సెట్ లో ఆమె వ్యవహారశైలి హీరోలకు ఇబ్బందిగా మారిందనే వార్తలు వచ్చాయి..నానీతో మిడిల్ క్లాస్ అబ్బాయి మూవీలో నటించే సమయంలో కూడా సాయి పల్లవి చిత్ర యూనిట్ ను బాగానే ఇబ్బందలు పాలు చేసిందట. ఒక దశలో ఆమెకు, నానీకి మధ్య మాటలు కూడా లేకుండా పోయాయి.. దిల్ రాజు కల్పించుకుని ఏదో సర్దుబాటు చేశారు.. ఇక నాగ శౌర్యతో తెలుగు, తమిళ మూవీ కణంలో ఆమె నటిస్తున్నది.. ఈ షూటింగ్ సమయంలోనూ నాగ శౌర్యకు చుక్కలు చూపిందట.. షూటింగ్ కు ఎప్పుడు సరైన సమయానికి రాదని, వచ్చిన మోనిటర్ చూస్తూ కాలక్షేపం చేసేదని స్వయంగా నాగ శౌర్య ఒక ఇంటర్వ్యూ లో వెల్లడించాడు. ఇప్పడు ఈ సెగ తమిళ స్టార్ హీరో సూర్యకు తగిలింది.. ప్రస్తుతం తమిళంలో సూర్య జోడీగా ఒక సినిమా చేస్తోంది. తన అభిమాన హీరో సరసన ఇంత త్వరగా ఛాన్స్ తగులుతుందని తాను కలలో కూడా అనుకోలేదని ఆ మధ్య సాయిపల్లవి చెప్పింది. అలాంటి సాయిపల్లవి ఈ సినిమా షూటింగుకి ఆలస్యంగా వస్తూ, అందరినీ ఇబ్బంది పెట్టేస్తోందట. షూటింగ్ స్పాట్ లోను ఆమె వ్యవహార శైలి ఇబ్బందికరంగా ఉందనే టాక్ కోలీవుడ్ లో వినిపిస్తోంది. ఇలాగైతే సాయి పల్లవి కెరీర్ కు ఇబ్బందదులొస్తాయని అభిమానులు ఆందోళన వ్యక్తం చేసున్నారు.
|
|