మనస్తాపంతో పదో తరగతి విద్యార్థిని ఆత్మహత్య
Telangana Telugu | Suryaa Desk | Published : Tue, Nov 25, 2025, 02:35 PM
హైదరాబాద్ నగరంలోని హబ్సిగూడలో విషాదకర ఘటన చోటుచేసుకుంది. మార్కులు తక్కువ వస్తున్నాయని తల్లిదండ్రులు మందలించడంతో మనస్తాపానికి గురైన పదో తరగతి విద్యార్థిని ఆత్మహత్య చేసుకుంది. తాను నివసిస్తున్న భవనంపై నుంచి దూకి బలవన్మరణానికి పాల్పడింది.వివరాల్లోకి వెళితే.. హబ్సిగూడకు చెందిన శ్రీ వైష్ణవి (15) స్థానిక ప్రైవేట్ పాఠశాలలో పదో తరగతి చదువుతోంది. ఇటీవల పరీక్షల్లో మార్కులు తక్కువ రావడంతో తల్లిదండ్రులు ఆమెను మందలించినట్లు సమాచారం. దీంతో తీవ్ర వేదనకు గురైన వైష్ణవి, మంగళవారం ఉదయం తాను ఉంటున్న అపార్ట్మెంట్ పైకి వెళ్లి కిందకు దూకేసింది.ఈ ఘటనను చూసిన స్థానికులు ఒక్కసారిగా షాక్కు గురయ్యారు. తీవ్ర గాయాలతో ఉన్న ఆమెను ఆసుపత్రికి తరలించేందుకు ప్రయత్నించినప్పటికీ, అప్పటికే వైష్ణవి మృతి చెందింది. సమాచారం అందుకున్న ఉస్మానియా యూనివర్సిటీ (ఓయూ) పోలీసులు ఘటనా స్థలానికి చేరుకున్నారు. మృతదేహాన్ని పోస్ట్మార్టం నిమిత్తం గాంధీ ఆసుపత్రికి తరలించారు.
|
|