by Suryaa Desk | Tue, Mar 17, 2026, 02:38 PM

ఉగాది పర్వదినం సమీపిస్తున్న వేళ, వేప చెట్లను ఒక వింత వైరస్ ఆశిస్తోంది. గత ఐదేళ్లుగా వేప చెట్లను పీడిస్తున్న ఈ వైరస్, ఈసారి మరింత తీవ్రంగా మారింది. ఆకులు, కొమ్మలతో సహా చెట్లు ఎండిపోవడంతో ప్రజల్లో ఆందోళన నెలకొంది. ఉగాది పచ్చడిలో చేదు రుచికి ప్రతీకగా వాడే వేపపువ్వు ఈసారి దొరకడం కష్టంగా మారనుంది. వేద పండితులు వేపపువ్వుకు బదులుగా తులసి ఆకులను వాడాలని సూచిస్తున్నారు. కాగా వేప చెట్లు ఔషధ గుణాలకు, సంప్రదాయానికి ప్రతీకగా నిలుస్తాయి.