by Suryaa Desk | Tue, Mar 03, 2026, 12:05 PM

వేట్లపాలెంలో జరిగిన అగ్నిప్రమాద ఘటనలో ప్రాణాలు కోల్పోయిన, గాయపడిన వారి కుటుంబాలను పరామర్శించి ధైర్యం చెప్పేందుకు పెద్దాపురం నియోజకవర్గ వైయస్సార్ కాంగ్రెస్ పార్టీ ఇంచార్జ్ దవులూరి దొరబాబు నేడు క్షేత్రస్థాయిలో పర్యటించారు. సామర్లకోట పట్టణంలోని కుమ్మరి వీధికి చెందిన దర్శిపాటి రాజు, దర్శిపాటి నాని, దర్శిపాటి పెదలోవరాజు కుటుంబ సభ్యులను దొర‌బాబు, ఎమ్మెల్సీ బొమ్మి ఇశ్రాయేలు పరామర్శించారు.  పుట్టెడు దుఃఖంలో ఉన్న కుటుంబ సభ్యులను ఓదార్చి, ధైర్యంగా ఉండాలని సూచించారు.ఈ ఘటనలో కుటుంబాలపై పడిన విషాదాన్ని ప్రత్యక్షంగా తెలుసుకున్న దొరబాబు తీవ్ర దిగ్భ్రాంతి వ్యక్తం చేశారు. నిరుపేద కుటుంబాలకు ఇది పూడ్చలేని నష్టం అని పేర్కొన్నారు. బాధితులు ఎదుర్కొంటున్న కష్టసమయంలో తమ పార్టీ ఎల్లప్పుడూ అండగా ఉంటుందని హామీ ఇచ్చారు. ఈ సందర్భంగా ఆయన మాట్లాడుతూ, “ఈ నిరుపేద కుటుంబాలకు జరిగిన నష్టం పూడ్చలేనిది. వారి బాధను మాటల్లో చెప్పలేం. వైయస్సార్ కాంగ్రెస్ పార్టీ తరపున మేము బాధితులకు అన్ని విధాలా అండగా ఉంటాం. అవసరమైన సహాయం అందేలా కృషి చేస్తాం” అని తెలిపారు.