by Suryaa Desk | Mon, Mar 02, 2026, 07:12 PM

దేశంలో పెరుగుతున్న గర్భాశయ క్యాన్సర్ కేసులను అరికట్టేందుకు కేంద్ర ప్రభుత్వం ఉచిత HPV వ్యాక్సినేషన్ పంపిణీ చేయాలని నిర్ణయించింది. ఈ టీకా సురక్షితం కాదని జరుగుతున్న తప్పుడు ప్రచారాన్ని కేంద్రం ఖండించింది. 2006 నుండి ప్రపంచవ్యాప్తంగా 50 కోట్ల డోసులు పంపిణీ అయ్యాయని, ఇది 93-100% గర్భాశయ క్యాన్సర్ నుండి రక్షణ కల్పిస్తుందని స్పష్టం చేసింది. 2026 నుండి 14 ఏళ్లలోపు బాలికలకు ప్రాధాన్యతతో ఉచితంగా టీకా పంపిణీ చేయబడుతుంది. 9-14 ఏళ్ల బాలికలకు 2 డోసులు, 15-45 ఏళ్ల వారికి 3 డోసులు సిఫార్సు చేయబడ్డాయి. సాధారణ దుష్ప్రభావాలు స్వల్పకాలికంగా ఉంటాయని, తీవ్రమైనవి అరుదని తెలిపింది. తప్పుడు ప్రచారాన్ని పట్టించుకోకుండా పిల్లలకు టీకా వేయించాలని కేంద్రం సూచించింది.