by Suryaa Desk | Wed, Feb 04, 2026, 11:17 PM

పిల్లల్లో నులిపురుగులు సాధారణ సమస్య. ఈ ప్రాబ్లమ్ చాలా మంది పిల్లల్లో కనిపిస్తుంది. అయితే, పిల్లల్లో నులిపురుగుల నివారణను చాలా మంది ఒక సాధారణ చర్యగా చూస్తారు. చాలా మంది తల్లిదండ్రులు పిల్లల ఆరోగ్య సంరక్షణలో ఈ విషయాన్ని నిర్లక్ష్యం చేస్తారు. భారతదేశం అంతటా వైద్యులు నులిపురుగుల నివారణ ప్రాముఖ్యతను చెబుతున్నారు. ఎందుకంటే నులిపురుగులు పిల్లల పెరుగదల, పోషకాహారం, మొత్తం అభివృద్ధికి ముప్పుగా ఉంటుంది.

నులిపురుగుల నిర్మూలనను దాటవేయడం వల్ల దీర్ఘకాలిక పరిణామాల్ని కలిగిస్తుంది. చాలా మంది నులిపురుగుల సమస్యను ఆకలి లేకపోవడం, లేదా ఏదైనా అనారోగ్యంగా భావించి వదిలేస్తారు. ఈ సమస్య వల్ల పిల్లలు అలసట, బలహీనత సమస్యలతో బాధపడతారు. అందుకే నులిపురుగుల్ని నివారించాలి. ఈ విషయంపై డాక్టర్ నమితా దేశ్‌ముఖ్, కన్సల్టెంట్ పీడియాట్రిషియన్, అంకురా హాస్పిటల్ పూర్తి వివరాల్ని అందించారు. పిల్లల్లో నులిపురుగుల నివారణ ఎందుకు ముఖ్యం, తల్లిదండ్రులు ఏం తెలుసుకోవాలో ఇప్పుడు చుద్దాం.

నులిపురుగులు ఎలా వ్యాపిస్తాయి?

రౌండ్‌వార్మ్‌లు, హుక్‌వార్మ్‌లు, విప్‌వార్మ్‌లు వంటి పేగు పురుగులు సాధారణంగా కలుషితమైన నేల, నీరు, ఆహారం లేదా పేగు పరిశుభ్రతం లేకపోడవం ద్వారా వ్యాపిస్తాయి. పిల్లలు ముఖ్యంగా వారి బహిరంగ ఆట అలవాట్లు, అభివృద్ధి చెందుతున్న రోగనిరోధక వ్యవస్థలు, పరిశుభ్రత పద్ధతుల కారణంగా చాలా వీక్‌గా ఉంటారు. చాలా సందర్భాల్లో నులిపురుగులు ఉంటే స్పష్టమైన లక్షణాలు కనిపించకపోవచ్చు. అందుకే సమస్య గుర్తించడానికి చాలా సమయం పడుతుంది.

నులిపురుగుల నివారణ ఎందుకు ముఖ్యం?

వైద్యులు క్రమం తప్పకుండా నులిపురుగుల నివారణను సూచించడానికి అత్యంత కీలకమైన కారణాల్లో ఒకటి పోషకాహారంతో ప్రత్యక్ష సంబంధం. ఐరన్, ప్రోటీన్, విటమిన్లు వంటి ముఖ్యమైన పోషకాల కోసం నులిపురుగులు పిల్లల శరీరంతో పోటీపడతాయి. కాలేక్రమేణా ఇది రక్తహీనత, ఊబకాయం, పెరుగుదల లేకపోవడం, అలసట, రోగనిరోధక శక్తి తగ్గడానికి దారితీస్తుంది. నులిపురుగుల బారిన పడిన పిల్లలు తరచుగా అనారోగ్యానికి గురవుతారు. ఆ తర్వాత నెమ్మదిగా కోలుకుండారు. తగినంత శక్తి స్థాయిలు ఉండవు.

మానసిక అభివృద్ధిలో కీలకపాత్ర

నులిపురుగుల నివారణ అనేది పిల్లలు అభిజ్ఞా, ప్రవర్తనా అభివృద్ధిలో కూడా ముఖ్యమైన పాత్ర పోషిస్తుంది. దీర్ఘకాలిక నులిపురుగులు ఉండటం వల్ల ఏకాగ్రత, జ్ఞాపకశక్తి, పాఠశాల పనితీరును ప్రభావితం చేస్తాయని డాక్టర్లు అంటున్నారు. నులిపురుగులు నివారించడం ద్వారా తల్లిదండ్రులు శారీరక ఆరోగ్యాన్ని మాత్రమే కాకుండా పిల్లల మానసిక అభివృద్ధిని కూడా ప్రోత్సహించవచ్చు. అందుకే నులిపురుగుల నివారణ ముఖ్యమని డాక్టర్లు అంటున్నారు.

చాలా మందిలో ఉన్న అపోహ

చాలా మంది తల్లిదండ్రుల్లో ఒక అపోహ ఉంది. లక్షణాలు కనిపించినప్పుడు మాత్రమే నులిపురుగుల నివారణ అవసరమని భావిస్తారు. వాస్తవానికి నులిపురుగుల సమస్య ఉన్న చాలా మంది పిల్లలు చాలా కాలం పాటు లక్షణాలు లేకుండా ఉంటారు. శిశువైద్యులు సిఫార్స్ చేసిన విధంగా నులిపురుగుల నివారణ పిల్లల్ని కాపాడుతుంది. నిర్లక్ష్యం చేస్తే తర్వాత చాలా ఇబ్బందిగా మారుతుంది. నిపుణులు సూచించిన మెడిసిన్ పిల్లలకు ఇవ్వడం వల్ల వారిలో నులిపురుగుల సంక్రమణకు అడ్డుకట్ట వేయొచ్చు.

తల్లిదండ్రులు ఏం తెలుసుకోవాలి?

నులిపురుగుల నివారణ అంటే మందులతో పాటు మంచి పరిశుభ్ర పద్ధతులు పిల్లలకు నేర్పించాలని వైద్యులు చెబుతున్నారు. క్రమం తప్పకుండా చేతులు కడుక్కోవడం, బయట చెప్పులు ధరించడం, సురక్షితమైన తాగునీరు, సరైన ఆహార పరిశుభ్రత వంటివి ఇన్ఫెక్షన్ ప్రమాదాన్ని గణనీయంగా తగ్గిస్తాయి.

ఇంట్లో ఈ అలవాట్లను ఫాలో అవ్వడం ద్వారా తల్లిదండ్రులు కీలకపాత్ర పోషిస్తారు. ఇక, అంకురా హాస్పిటల్స్‌లో నులిపురుగుల నిర్మూలన ఒక ముఖ్యమైన భాగంగా పరిగణిస్తారు. వయసుకు తగిన నులిపురుగుల నిర్మూలన షెడ్యూల్‌ను అందిస్తారు. అంతేకాకుండా తల్లిదండ్రులకు పోషకాహారం, పరిశుభ్రతపై మార్గనిర్దేశం చేస్తారు.