by Suryaa Desk | Wed, Dec 17, 2025, 11:10 PM

శీతాకాలంలో ప్రజల ఆహారపు అలవాట్లు మారతాయి. శరీరాన్ని వెచ్చగా ఉంచడం కోసం చాలా మంది వేడి వేడిగా తింటుంటారు. ఇందులో వేడి వేడి బజ్జీలు, పకోడీలు, సూపులు ఉంటాయి. అంతేకాకుండా అమ్మమ్మల కాలం నుంచి ఫేమస్ అయిన డ్రై ఫ్రూట్ లడ్డూలు, క్యారెట్ హల్వా, ఉసిరి మిఠాయి వంటివి కూడా చలికాలంలో తింటుంటారు. ఇక, వేడి వేడి పరాఠాలు, నెయ్యితో వేయించిన కూరగాయలు వంటివి కూడా తింటుంటారు. ఇక, బంగాళదుంపులు, చిలగడదుంపల్ని ఉడకబెట్టుకుని తింటారు. అయితే, వీటిలో చాలా వరకు మన ఆరోగ్యానికి హాని చేసేవే ఉన్నాయి. అంతేకాకుండా వీటిని తినడం వల్ల బరువు కూడా పెరిగే ప్రమాదం ఉంది.

అయితే, కొన్ని ఆహార పదార్థాల్ని ఆరోగ్యకరమైనవి భావించి చలికాలంలో ఎక్కువగా తింటుంటారు. అయితే, ఇవి ఆరోగ్యానికి హాని చేస్తాయంటున్నారు. పుణేకు చెందిన న్యూట్రిషనిస్ట్ అమిత గాద్రే. అలాంటి ఫుడ్స్ లిస్ట్‌ను కూడా తన ఇన్‌స్టా ఖాతాలో అందించారు. చలికాలంలో దూరంగా ఉంచాల్సిన ఆ ఫుడ్స్ ఏంటో ఇప్పుడు చుద్దాం.

 ఆమ్లా క్యాండీ (ఉసిరి మిఠాయి)

చలికాలంలో ఉసిరి కాయలు ఎక్కువగా లభిస్తాయి. ఉసిరి కాయలు ఆరోగ్యానికి ఎంతో మేలు చేస్తాయి. ఇందులో యాంటీ ఆక్సిడెంట్లు, విటమిన్ సి ఉంటుంది. ఇది రోగనిరోధక శక్తి పెంచడంలో సాయపడుతంది. అందుకే ఉసిరి ఆరోగ్యానికి మంచిదని అమిత చెబుతుంది.

అయితే, ఉసిరి మిఠాయి ఆరోగ్యానికి మంచిది కాదంటున్నారు అమిత. ఎందుకంటే ఇందులో చక్కెర పుష్కలంగా ఉంటుంది. ఆమ్లా క్యాండీ తినే బదులు.. తాజా ఉసిరిని తీసుకోమని సలహా ఇస్తున్నారు. ఉసిరిని తురుముకుని చట్నీ, గంజి, కూరల్లో వాడుకోమని ఆమె సూచిస్తున్నారు.

చ్యవన్‌ఫ్రెష్

చలికాలంలో చాలా మంది ఆరోగ్యానికి మంచిదన చ్యవన్‌ఫ్రెష్ తింటుంటారు. అంతేకాకుండా పిల్లలకు కూడా తినిపిస్తారు. అయితే, చ్యవన్‌ఫ్రెష్‌లో కూడా ఎక్కువ చక్కెర ఉంటుదని అమిత హెచ్చరిస్తున్నారు.

అంతేకాకుండా అనేక అధ్యయనాలు చ్యవన్‌ఫ్రెష్‌లో భారీ లోహాల ఉనికిని వెల్లడించాయి. అందుకే ఇది పిల్లలకు మంచిది కాదు. దీన్ని చలికాలంలో ఎట్టి పరిస్థితుల్లో తినొద్దని అమిత సూచిస్తున్నారు. దీనికి బదులు తాజా కూరగాయలతో చేసిన సూప్ తాగమంటున్నారు అమిత.

న్యూట్రిషనిస్ట్ చెప్పిన ఫుడ్స్ లిస్ట్

​డ్రై ఫ్రూట్ లడ్డూలు

డ్రై ఫ్రూట్స్‌తో చేసిన లడ్డూల్ని చలికాలంలో ఎక్కువగా తింటారు. ఇవి శరీరానికి శక్తిని అందిస్తాయి. అయితే, వీటిలో కేలరీలు చాలా ఎక్కువగా ఉంటాయి. ఉదహరణకు ఒక డ్రై ఫ్రూట్ లడ్డూలో దాదాపు 200 కేలరీలు ఉంటాయని అమిత వివరిస్తున్నారు. బరువుతో పాటు బెల్లీ ఫ్యాట్ తగ్గించుకోవాలని ప్రయత్నిస్తున్నవారు.. ఈ లడ్డూల్ని ఎట్టి పరిస్థితుల్లో తినకూడదని సలహా ఇస్తున్నారు. వీటికి బదులు గుప్పెడు గింజలు, డ్రై ఫ్రూట్స్ తినమని సలహా ఇస్తున్నారు.

నెయ్యి ఎక్కువగా తినొద్దు

చలికాలంలో చాలా మంది ఉదయం నిద్ర లేవగానే ఒక టీ స్పూన్ నెయ్యి తింటారు. ఇది ఆరోగ్యానికి చాలా మంచిదని భావిస్తారు. అయితే, బరువు పెరగకూడదనకుంటే ఎక్కువ నెయ్యి తినడం మానేయాలని అమిత అంటున్నారు.

సాధారణంగా శీతాకాలంలో బద్ధకం ఎక్కువగా ఉంటుంది. అంతేకాకుండా తక్కువ వ్యాయామం చేస్తుంటాం. అందువల్ల కొవ్వు నుంచి మనకు ఎక్కువ కేలరీలు అవసరం లేదు. నెయ్యిని తీసుకోవడం వల్ల కేలరీల సంఖ్య పెరుగుతుంది. అందుకే నెయ్యిని తక్కువ మోతాదులో తీసుకోవాలని అమిత చెబుతున్నారు.

ప్యాక్ చేసిన సూపులు

ఈ మధ్య కాలంలో మార్కెట్‌లో ప్యాక్ చేసిన సూపులు, సూప్ మెటీరియల్ అందుబాటులో ఉంటున్నాయి. వీటిని ఇంటికి తెచ్చుకుని గోరువెచ్చని నీటిలో మరిగించి సూపులా తాగుతున్నారు. అయితే, ఇది ఆరోగ్యానికి మంచిది కాదని అమిత చెబుతున్నారు.

ప్యాక్ చేసిన సూపుల్లో అధిక మొత్తంలో సోడియం ఉంటుంది. అంతేకాకుండా పోషకాలు ఉండవు. శరీరానికి హాని కలిగించే ప్రిజర్వేటివ్స్ ఉంటాయి. వీటికి బదులు ఇంట్లోనే తాజా కూరగాయలు, మసాలా పదార్థాలతో సూప్ తయారు చేసుకోవడం మంచిదని అమిత సలహా ఇస్తున్నారు.