by Suryaa Desk | Mon, Dec 08, 2025, 09:11 PM

టీమిండియా యువ వెటరన్ బ్యాటర్ పృథ్వీ షా ప్రస్తుతం సయ్యద్ ముస్తాక్ అలీ టీ20 ట్రోఫీలో రాబడుతున్న ఫామ్‌తో మరోసారి క్రికెట్ ప్రపంచ దృష్టిని ఆకర్షిస్తున్నాడు. మహారాష్ట్ర తరఫున ఆడుతున్న పృథ్వీ, ఇప్పటివరకు 7 మ్యాచ్‌ల్లో 188 పరుగులు చేసి తన బ్యాటింగ్ ప్రతిభను మరోసారి రుజువు చేశాడు.ఐపీఎల్ 2026 మినీ వేలానికి ముందు అతని ఈ మెరుగైన ప్రదర్శన ఫ్రాంచైజీల దృష్టిని గట్టిగా ఆకట్టుకుంది. గమనించదగ్గ విషయం ఏమిటంటే, ఐపీఎల్ 2025 మెగా వేలంలో పృథ్వీ షాకు ఒక్క జట్టూ ఆసక్తి చూపకపోవడంతో అతను అన్‌సోల్డ్‌గా మిగిలిపోయాడు. ఆ తరువాత ఫిట్‌నెస్‌ పై దృష్టి పెట్టడంతో పాటు దేశవాళీ క్రికెట్‌లో జట్టు మారిన అతడు మంచి ఆటతో తిరిగి ఫామ్‌లోకి వచ్చాడు.రంజీ ట్రోఫీలో కూడాఅద్భుత ఫామ్‌లోనే ఉండి, 67.14 సగటుతో 470 పరుగులు చేశాడు. ఇందులో ఒక వేగవంతమైన డబుల్ సెంచరీ ప్రత్యేక ఆకর্ষణ. సయ్యద్ ముస్తాక్ అలీ ట్రోఫీలో కేవలం 23 బంతుల్లో హాఫ్ సెంచరీ చేసిన పృథ్వీ, “తనలో ఇంకా చాలానే ఉంది” అని ఫ్యాన్స్‌కు చూపించాడు.ఈ ప్రదర్శనలతో ఐపీఎల్ 2026 మినీ వేలంలో మూడు జట్లు అతన్ని కొనుగోలు చేసే అవకాశం ఉందని క్రికెట్ వర్గాలు అంచనా వేస్తున్నాయి.
1.ముంబై ఇండియన్స్ : ముంబై ఇండియన్స్ పృథ్వీ షాపై దృష్టి పెట్టే జట్లలో ఒకటి. ప్రస్తుతం వారి పర్స్‌లో కేవలం ₹2.75 కోట్లు మాత్రమే మిగిలి ఉన్నాయి. ఇంకా ఐదుగురు ఆటగాళ్లను తీసుకోవాల్సి ఉండటంతో, తక్కువ ధరలో బ్యాకప్ ఓపెనర్‌గా పృథ్వీ దొరికితే తీసుకోవాలనే యోచనలో ఉన్నారు. రోహిత్ శర్మ, రికెల్టన్ వెనుక ఒక బలమైన బ్యాకప్ ఆప్షన్‌గా పృథ్వీ పనికొస్తాడని భావిస్తున్నారు.
2. కోల్‌కతా నైట్‌రైడర్స్ (KKR) : భారీ పర్స్‌తో మినీ వేలానికి దిగుతున్న KKR కూడా పృథ్వీ షాను లక్ష్యంగా పెట్టుకునే అవకాశముంది. ప్రస్తుతం అజింక్యా రహానే ఓపెనర్‌గా ఉన్నప్పటికీ, పవర్‌ప్లేలో దూకుడుగా ఆడే ఓపెనర్ కోసం వారు చూస్తున్నారు. అంతేకాక, మహారాష్ట్ర మ్యాచ్‌లు కోల్‌కతా లోనే జరుగుతుండటంతో KKR స్కౌట్స్ అతని ప్రదర్శనను దగ్గరగా గమనిస్తున్నారు.
3. లక్నో సూపర్ జెయింట్స్ (LSG) : లక్నో జట్టుకు ఇద్దరు విదేశీ ఓపెనర్లు మాత్రమే ఉండటంతో, ఒక భారత్ బ్యాకప్ ఓపెనర్ అవసరం ఉంది. దూకుడు ఆటతీరు, పవర్‌ప్లేలో వినిపించే హిట్టింగ్ సామర్థ్యం కారణంగా పృథ్వీ షా తమ జట్టుకు సరిపోతాడని LSG భావిస్తోంది. అందుకే అతన్ని తీసుకోవడానికి ప్రయత్నించే అవకాశం ఉంది.