by Suryaa Desk | Sun, Dec 07, 2025, 04:01 PM

అరవై ఏళ్ల వయసులో బైక్ నడపడం నేర్చుకుని యువకులతో పోటీపడుతూ ఆశ్చర్యపరుస్తుందో బామ్మ! తమిళనాడులోని కోయంబత్తూరుకు చెందిన లతా శ్రీనివాసన్ బండి నడపడం కేవలం రెండు రోజుల్లోనే నేర్చేసుకున్నారు. ఆ వయసులో చాలామంది ఇంటికే పరిమితమవుతుంటారు. కానీ లతా శ్రీనివాసన్ మాత్రం ఉత్సాహంగా బైక్ నడపడం నేర్చుకున్నారు. కేఫే క్రూయిజర్స్ మోటార్‌ సైకిల్ అకాడమీలో యువతీయువకులతో కలిసి శిక్షణ తీసుకున్నారు. మొదటి రోజే క్లచ్, బ్రేక్, గేర్ మార్చడం వంటి ప్రాథమిక విషయాలన్నీ నేర్చుకున్న లతా శ్రీనివాసన్.. రెండో రోజు ఎంతో బరువుండే బెనెల్లీ బైక్‌ ను స్మూత్‌గా నడిపి ట్రైనర్లను సైతం ఆశ్చర్యపరిచారు.