by Suryaa Desk | Wed, Dec 03, 2025, 11:55 PM

ప్రతి ఒక్కరి అందంలో జుట్టు ప్రధాన పాత్ర పోషిస్తుంది. అందుకే పొడవాటి, మెరిసే జుట్టును కోరుకుంటారు. అయితే బిజీ లైఫ్‌స్టైల్, ఏది పడితే అది తినడం, పొల్యూషన్ కారణంగా చిన్న వయసులోనే అనేక జుట్టు సంబంధిత సమస్యలు ఎదుర్కొంటున్నారు. జుట్టు రాలడం, పల్చని జుట్టు, తెల్ల జుట్టు, చుండ్రు, తలపై చికాకు వంటి సమస్యలతో సఫర్ అవుతున్నారు.

ఇలా జుట్టు సమస్యలతో బాధపడేవారికి బీట్‌రూట్ ఎంతో మేలు చేస్తుంది. బీట్‌రూట్‌లో ఐరన్, పొటాషియం, విటమిన్ సి, యాంటీ ఆక్సిడెంట్లు, తలకు పోషణనిచ్చి.. జుట్టు మూలాల్ని బలపేతం చేసే సహజ వర్ణద్రవ్యం ఉన్నాయి. అందుకే నిపుణులు బీట్‌రూట్ నీటిని జుట్టుకు ఉపయోగించమని చెబుతున్నారు. ఇది జుట్టుకు మెరుపు, బలం ఇవ్వడంతో తలపై చికాకును తగ్గిస్తుందని ప్రముఖ హెయిర్ స్టైలిష్ట్ ఎలిజెబిత్ చెప్పారు. ఈ విషయాన్ని తన ఇన్‌స్టా అకౌంట్‌లో షేర్ చేశారు. బీట్‌రూట్ నీటితో జుట్టుకు కలిగే ప్రయోజనాలేంటి, దాన్ని ఎలా చేసుకోవాలో ఇప్పుడు చుద్దాం.

  జుట్టు రాలడాన్ని తగ్గిస్తుంది

ఈ రోజుల్లో చాలా మంది జుట్టు రాలడంతో బాధపడుతున్నారు. అలాంటివారికి బీట్‌రూట్ నీరు మంచి ఆప్షన్ అంటున్నారు. బీట్‌రూట్ నీటిలో ఐరన్, యాంటీ ఆక్సిడెంట్లు ఉంటాయి. ఇవి జుట్టు వేర్లలో రక్త ప్రసరణను పెంచుతాయి. రక్త ప్రసరణ మెరుగవ్వడంతో జుట్టు రాలడం తగ్గుతుంది. ఇది కొత్త పెరుగుదలను ప్రోత్సహిస్తుంది.

తలలోని చర్మాన్ని డీటాక్సిఫై చేస్తుంది

ఈ రోజుల్లో చాలా మంది చుండ్రు, తలలో చికాకు, మురికి వంటి సమస్యలతో బాధపడతారు. బీట్‌రూట్ నీరు జిడ్డు, చుండ్రు, మురికి పేరుకుపోవడాన్ని తగ్గిస్తుంది. ఇది తలలోని చర్మాన్ని శుభ్రంగా, ఆరోగ్యంగా ఉంచుతుంది. జుట్టు రాలడం, దురద రెండింటినీ తగ్గిస్తుంది.

బీట్‌రూట్ నీరు ఎలా వాడాలంటే

జుట్టుకు సహజ మెరుపు

బీట్‌రూట్ నీటిలో సహజ వర్ణద్రవ్యంతో పాటు ఖనిజాలు ఉన్నాయి. ఇవి జుట్టుకు నిగనిగలాడే సహజ మెరుపుని ఇస్తాయి. బీట్‌రూట్ నీరు వాడటం వల్ల సిల్కీ హెయిర్ మీ సొంతమవుతుందని ఎక్స్‌పర్ట్ అంటున్నారు.

ఇతర ప్రయోజనాలు

​బీట్‌రూట్ నీటిలో శోథ నిరోధక లక్షణాలు ఉన్నాయి. ఇవి తలపై చర్మం ఎర్రబడటం, దురద, చుండ్రు వంటి సమస్యల నుంచి ఉపశమనం అందిస్తుంది. అంతేకాకుండా తలపై చర్మం ఆరోగ్యం మెరుగుపడుతుంది.

బీట్‌రూట్ నీటితో క్రమం తప్పకుండా జుట్టును శుభ్రం చేసుకోవడం వల్ల అది మృదువుగా మారుతుంది. జుట్టుకు సహజ తేమను అందిస్తుంది. బీట్‌రూట్ నీరు జుట్టుకు కొద్దిగా గులాబీ-ఎరుపు రంగును ఇవ్వడం ద్వారా రంగును ప్రకాశవంతం చేస్తుంది.

ఎలా వాడాలి?

బీట్‌రూట్‌ని ముక్కలుగా కోసి.. రెండు కప్పుల నీటిలో బాగా మరిగించండి. ఆ తర్వాత.. నీటిని చల్లబర్చండి. షాంపూతో తలస్నానం చేసిన తర్వాత దీన్ని జుట్టుకు రిన్స్‌లాగా అప్లై చేసి.. 10 నిమిషాల తర్వాత సాధారణ నీటితో శుభ్రం చేసుకోండి. ఉత్తమ ఫలితాల కోసం వారానికి రెండుసార్లు దీన్ని ఉపయోగించండి. ప్రతి ఒక్కరి జుట్టు రకం భిన్నంగా ఉంటుంది. అయితే, ఇది పాటించేముందు ప్యాచ్ టెస్ట్ చేసుకోండి. ఏదైనా అలెర్జీ ఉంటే.. దీన్ని వాడటం మంచిది కాదు.