by Suryaa Desk | Wed, Dec 03, 2025, 08:13 PM

అప్‌కమింగ్ ఐసీసీ టీ20 ప్రపంచకప్ 2026లో టీమిండియా ధరించే కొత్త జెర్సీని మాజీ కెప్టెన్ రోహిత్ శర్మ బుధవారం సౌతాఫ్రికాతో రాయ్‌పూర్ వేదికగా జరిగిన రెండో వన్డే విరామ సమయంలో ఆవిష్కరించారు.టీ20 ప్రపంచకప్ 2026 బ్రాండ్ అంబాసిడర్‌గా నియమితుడైన రోహిత్ ప్రధాన అతిథిగా ఈ జెర్సీని ప్రేక్షకుల ముందు ప్రదర్శించారు. ఆవిష్కరణ కార్యక్రమంలో రోహిత్ శర్మతో పాటు టీమిండియా ప్లేయర్ తిలక్ వర్మ, బీసీసీఐ సెక్రటరీ దేవజిత్ సైకియా మరియు జెర్సీ స్పాన్సర్ల ప్రతినిధులు పాల్గొన్నారు.భారత్ బ్యాటింగ్ ముగిసిన వెంటనే మైదానంలో భారీ సైజులో జెర్సీ ప్రదర్శించబడింది. తరువాత రోహిత్ శర్మ తిలక్ వర్మతో కలిసి మీడియాకు, బ్రాడ్‌కాస్టర్స్‌కు జెర్సీని చూపించారు. నీలిరంగులో రూపొందించిన జెర్సీకి రెండు వైపులా వైబ్రెంట్ ఆరెంజ్ ప్యానెల్స్, మరియు మధ్యలో వర్టికల్ బ్లూ స్ట్రైప్స్ ఉన్నాయి.ఈ సందర్భంగా రోహిత్ శర్మ మాట్లాడుతూ, “టీమిండియా రెండో టీ20 ప్రపంచకప్ గెలుచుకునేందుకు 15 ఏళ్ల నిరీక్షణ అవసరమైంది. 2007లో మా తొలి ప్రపంచకప్ గెలిచాం. ఆ తర్వాత మరో ట్రోఫీ కోసం 15 ఏళ్ల కంటే ఎక్కువ వేచి ఉండాల్సి వచ్చింది. ఎన్నో ఒడిదుడుకులతో ఈ ప్రయాణం సాగింది, కానీ మళ్లీ ట్రోఫీని ఎత్తడం గొప్ప అనుభూతిని ఇస్తోంది. భారత్‌లో ప్రపంచకప్ జరుగుతున్న విషయం మరింత ఉత్సాహాన్ని కలిగిస్తోంది. జట్టులోని ప్రతీ ఆటగాడు విజయం కోసం కృషి చేస్తారని నమ్ముతున్నాను, మరియు జట్టుకు నా శుభాకాంక్షలు ఎప్పుడూ ఉంటాయి” అని అన్నారు.