రోడ్డు ప్రమాదం.. ఇద్దరు మహిళలు మృతి

by Suryaa Desk | Tue, Jun 24, 2025, 03:18 PM

జమ్మూకశ్మీర్‌లోని రాజౌరి జిల్లాలో జరిగిన రోడ్డు ప్రమాదంలో ఇద్దరు మహిళలు మృతి చెందగా, మరో తొమ్మిది మంది తీవ్రంగా గాయపడ్డారు. చట్ట్యారి-చింగస్ సమీపంలో టెంపో ట్రావెలర్ ఒక మినీ గూడ్స్ వాహనాన్ని ఢీకొనడంతో ప్రమాదం జరిగింది. టెంపో పూర్తిగా నుజ్జునుజ్జయ్యిందని పోలీసులు తెలిపారు. గాయపడిన వారిని ఆస్పత్రికి తరలించి చికిత్స అందిస్తున్నారు. పోలీసులు ఘటనపై కేసు నమోదు చేసి దర్యాప్తు చేస్తున్నారు.