by Suryaa Desk | Fri, Jun 20, 2025, 08:23 PM

ఉద్యోగం మారిన ప్రతిసారి, మీ పాత కంపెనీ మీకు ఒక మెంబర్ ఐడీ ఇస్తుంది. ఇది మీ ప్రావిడెంట్ ఫండ్ (PF) ఖాతా నంబర్ లాంటిది. మీరు కొత్త ఉద్యోగంలో చేరినప్పుడు, కొత్త కంపెనీ ఇంకో మెంబర్ ఐడీ ఇస్తుంది. కానీ, మీ యూనివర్సల్ అకౌంట్ నంబర్ (UAN) మాత్రం మారదు. మీ పాత, కొత్త కంపెనీల PF ఖాతాలను ఒకే యూఏఎన్ నంబర్‌తో అనుసంధానం చేయడమే దీని ముఖ్య ఉద్దేశం. EPFO ఇటీవల ఆన్‌లైన్ సేవలను ఉపయోగించడానికి ఏజెంట్ల సహాయం తీసుకోవద్దనిసూచించింది. ఎందుకంటే ఉచితంగా చేసే పనులకు కూడా వాళ్లు డబ్బులు వసూలు చేస్తున్నారు. మీ UAN నంబర్‌ను ఎలా తెలుసుకోవాలి? ఆన్‌లైన్‌లో మీ UAN నంబర్‌ను తెలుసుకోవడానికి ఈ స్టెప్స్ ఫాలో అవ్వండి.

తర్వాత మెంబర్ ఇంటర్‌ఫేస్‌లో కుడివైపు కింద ' Know your UAN ' అనే లింక్ ఉంటుంది. దానిపై క్లిక్ చేయండి.

మీ మొబైల్ నంబర్, క్యాప్చా వివరాలు ఎంటర్ చేయండి. ఆ తర్వాత మీ పేరు, పుట్టిన తేదీ, ఆధార్ నంబర్ వంటి వివరాలు ఇవ్వాలి. మళ్లీ క్యాప్చా ఎంటర్ చేసి, 'Show My UAN'పై క్లిక్ చేయండి.

చివరగా, మీ UAN నంబర్ స్క్రీన్‌పై కనిపిస్తుంది.

ఏజెంట్ల సహాయం తీసుకోవద్దు అని EPFO ఎందుకు చెబుతోంది?

EPFO ఇటీవల ఒక ప్రకటనలో కొన్ని విషయాలు తెలిపింది. సైబర్ కేఫ్ ఆపరేటర్లు, ఫిన్‌టెక్ కంపెనీలు ఉచితంగా లభించే సేవలకు డబ్బులు వసూలు చేస్తున్నారని గుర్తించామని చెప్పింది. చాలా సందర్భాలలో, వాళ్లు.. EPFO ఆన్‌లైన్ గ్రీవెన్స్ పోర్టల్‌ను మాత్రమే ఉపయోగిస్తున్నారు. కానీ, ఎవరైనా సరే ఈ పనిని ఉచితంగా చేసుకోవచ్చు అని తెలిపింది. "ఏజెంట్లను ఆశ్రయించవద్దు!" అని EPFO హెచ్చరించింది.

ఈపీఎఫ్ఓలో చాలా మంది సభ్యులు ఉన్నారు. ప్రైవేట్, ప్రభుత్వ రంగ సంస్థల్లో పనిచేసే ఉద్యోగులు లేదా రిటైర్ అయిన ఉద్యోగులు కలిపి 7 కోట్లకు పైగా సభ్యులు ఉన్నారు. కాబట్టి, ఎవరైనా సరే ఆన్‌లైన్‌లో తమ యూఏఎన్ తెలుసుకోవచ్చు. ఉచితంగా చేసే పనుల కోసం డబ్బులు వృథా చేసుకోవద్దు.