by Suryaa Desk | Mon, Jun 09, 2025, 02:07 PM

అమెరికాలో అత్యంత శక్తివంతమైన రాజకీయ నాయకుడు, ప్రపంచంలోనే అత్యంత ధనవంతుడైన వ్యక్తి మధ్య వైరం గురించి ప్రపంచం మొత్తం మాట్లాడుకుంటూ ఉంది. ఒకప్పుడు వారి మధ్య ఉన్న మైత్రి గురించి తెగ మాట్లాడుకోగా, ఇప్పుడు వారి మధ్య వచ్చి పొరపొచ్చాల గురించి చెప్పుకుంటూ ఉన్నారు. అమెరికా అధ్యక్షుడు డొనాల్డ్ ట్రంప్, టెస్లా CEO ఎలోన్ మస్క్ మధ్య విభేదాలు బహిరంగంగా, లోతైన వ్యక్తిగత వైరంగా పరిణామం చెందాయి. ఇది వారి రాజకీయ భాగస్వామ్యం నుండి వైదొలిగేలా చేస్తుంది. మస్క్, ట్రంప్ ఒకప్పుడు రాజకీయ మిత్రులుగా పరిగణించారు. మస్క్ ట్రంప్ సలహా మండలిలో పనిచేశారు, అతని పక్కన ప్రచారం చేశారు. ట్రంప్ 2024 అధ్యక్ష ఎన్నికలకు మద్దతుగా ఎన్నో పనులను మస్క్ చేశారు. ఇప్పుడు, వారి మైత్రి నాశనం అవ్వడం, రాజకీయ, కార్పొరేట్ రంగాలలో అస్థిరతకు కారణమైంది. US పాలన, సాంకేతిక పరిశ్రమపై విస్తృత ప్రభావం చూపడమే కాకుండా, పలు ఆందోళనలకు కారణమవుతోంది. గొడవకు కారణాలు ఏమిటి? 1. ఈ వారం వారి మైత్రికి బీటలు వారడం ప్రజల దృష్టికి వచ్చింది. ఒకరినొకరు అవమానించుకున్నారు, బెదిరింపులు కూడా బహిరంగంగానే సాగాయి. ముఖ్యంగా టెస్లాకు గణనీయమైన ఆర్థిక నష్టాలు సంభవించాయి. 2. జూన్ 3, మంగళవారం నాడు, ట్రంప్ పన్నులు ఖర్చుల ప్రతిపాదనను మస్క్ బహిరంగంగా తీవ్రంగా ఖండించినప్పుడు వివాదం గురించి బయటకీ వచ్చింది. 3. దశాబ్దంలో జాతీయ రుణంలో $2.4 ట్రిలియన్ల పెరుగుదల అంచనా వేసినందుకు మస్క్ ఈ బిల్లును విమర్శించారు, ఇది చాలా మంది రిపబ్లికన్ చట్టసభ సభ్యులను దిగ్భ్రాంతికి గురిచేసింది. 4. ట్రంప్ ప్రధాన విధానాన్ని బహిరంగంగా తప్పుబట్టడం ఇద్దరి మధ్య పూర్తి స్థాయి విబేధాలకు నాంది పలికింది. 5. ప్రతీకారంగా, ట్రంప్ మస్క్ యాజమాన్యంలోని స్పేస్‌ఎక్స్, టెస్లా వంటి కంపెనీలతో సమాఖ్య ఒప్పందాలను రద్దు చేయాలనే ఆలోచనను ముందుకు తెచ్చారు. 6. ట్రంప్ మస్క్‌పై వ్యక్తిగతంగా దాడి చేశాడు. మస్క్ తన మైండ్ ను కోల్పోయాడు అంటూ సయోధ్యకు అవకాశం లేకుండా చేశారు. 7. విధానపరమైన అసమ్మతిగా ప్రారంభమై.. ఇప్పుడు విస్తృత రాజకీయ యుద్ధంగా మారింది. 8. ఈ వివాదం మార్కెట్ లో తీవ్ర పరిణామాలకు కారణమైంది. టెస్లా షేర్లు 14% తగ్గాయి, ట్రంప్ మీడియా స్టాక్ 8% పడిపోయింది. 9. ట్రంప్ మాజీ సలహాదారు స్టీవ్ బానన్ ఈ వివాదాన్ని మరింత పెద్దది చేశాడు. మస్క్‌ను బహిష్కరించాలని కూడా పిలుపునిచ్చాడు, అతని ఇమ్మిగ్రేషన్ హోదాలో అవకతవకలు జరిగాయని ఆరోపించాడు.10. ట్రంప్ సర్కిల్ నుండి మస్క్ నిష్క్రమించడం తీవ్రమైన రాజకీయ అనిశ్చితికి కూడా కారణమైంది. 11. ఇప్పుడు ఒక కొత్త రాజకీయ పార్టీ వచ్చే అవకాశం కూడా ఉందంటూ ప్రచారం సాగుతోంది. అమెరికాలో ఉన్న రెండు ప్రధాన పార్టీలను కాదని "ది అమెరికా పార్టీ" పుట్టుకొచ్చేలా కనిపిస్తోంది. రెండు ప్రధాన పార్టీలకు దూరంగా తప్పుకున్న 80% అమెరికన్లకు ప్రాతినిధ్యం వహించే లక్ష్యంతో ఈ పార్టీ తన పని చేయనుందనే వాదన కూడా బలంగా వినిపిస్తోంది.