by Suryaa Desk | Fri, Jun 06, 2025, 09:31 PM

మహిళల్లో నెలసరి సమస్యలు వస్తుంటాయి. హార్మోన్స్ కూడా అదుపు తప్పుతుంటాయి. దీంతో పాటు యుటెరస్ సమస్యలు కూడా వస్తే ఇంకా ఇబ్బందిగా ఉంటుంది. కడుపు ఉబ్బరంగా అనిపించడం, పొత్తి కడుపు విపరీతంగా నొప్పి రావడం లాంటి సింప్టమ్స్ కనిపిస్తాయి. అయితే.. ఆయుర్వేదంలో వీటన్నింటికీ చికిత్స ఉంది. చాలా సింపుల్ గా కొన్ని రకాల పదార్థాలు వాడి సమస్యను తగ్గించుకోవచ్చు. ముఖ్యంగా గర్భాశయంపై ఎలాంటి ఒత్తిడి పడకుండా,రుతుక్రమంలో తేడాలు రాకుండా ఆయుర్వేదం ఎన్నో చిట్కాలు చెప్పింది. అందులో ఇప్పుడు చెప్పబోయే చిట్కా ఒకటి. న్యూట్రిషనిస్ట్ అప్రూవ్ చేసిన ఈ టిప్ ని ఎలా ఫాలో అవ్వాలో డిటైల్డ్ గా తెలుసుకుందాం.

డిటాక్స్ డ్రింక్

యుటెరస్ ని క్లీన్ చేసే ఈ డిటాక్స్ డ్రింక్ తయారు చేసుకోవడం చాలా సింపుల్. అందుబాటులో ఉండే పదార్థాలతోనే చేయొచ్చు. ఇందుకోసం కావాల్సిన పదార్థాలు నెయ్యి, జీలకర్ర, వాము. వీటితో పాటు అల్లం పొడి, బెల్లం, వేడి నీళ్లు అవసరం అవుతాయి. ఇంతకు మించి ఇంకేమీ వాడాల్సిన పని లేదు. ఇప్పుడు చెప్పిన పదార్థాలను ఏదో విధంగా రెగ్యులర్ గా వాడుతూనే ఉంటారు. వంటింట్లోనే అన్నీ ఉంటాయి. అయితే..వాటిని సరైన మోతాదులో, సరైన విధంగా వాడితే గర్భాశయం డిటాక్స్ అయిపోతుంది. ఎలాంటి ఇబ్బందులు రాకుండా ఉంటాయి.

ఎంత మోతాదులో తీసుకోవాలి

నెయ్యి ఆరోగ్యానికి చాలా మంచిది. అయితే..ఈ యుటెరస్ డిటాక్స్ డ్రింక్ తయారు చేసుకోడానికి ఓ టేబుల్ స్పూన్ నెయ్యి వాడితే సరిపోతుంది. దీంతో పాటు ఓ టేబుల్ స్పూన్ జీలకర్ర, అర టేబుల్ స్పూన్ వాము తీసుకోవాలి. అల్లం ముక్కలుగా చేసి పొడిగా చేసుకోవాలి. ఈ పొడిని అర టేబుల్ స్పూన్ మేర వాడాలి. ఇక బెల్లం కూడా దాదాపు అర టేబుల్ స్పూన్ తీసుకుంటే సరిపోతుంది. వీటన్నింటితో పాటు చివరగా ఓ కప్పు వేడి నీళ్లు తీసుకోవాలి. ఇలా యాడ్ చేసుకున్న ఒక్కో పదార్థానికి ఒక్కో ప్రత్యేకత ఉంది. అన్నింట్లోనూ ఔషధ గుణాలుంటాయి. ఎన్నో ఆరోగ్య ప్రయోజనాలను అందిస్తాయి.

ఎలా తయారు చేసుకోవాలి

ఓ గిన్నెలోకి ముందుగా నెయ్యి వేయాలి. ఆ తరవాత జీలకర్ర, వాము వేసుకోవాలి. పెనంలో వేసి కనీసం ఓ నిముషం పాటు వీటిని రోస్ట్ చేయాలి. ఆ తరవాత ఓ కప్పు వేడి నీళ్లు అందులో పోయాలి. నీళ్లు వేడిగా ఉన్నప్పుడే అల్లం పొడి వేసి బాగా కలపాలి. ఆ తరవాత బెల్లం పొడి వేయాలి. ఈ నీళ్లను మిక్స్ చేయాలి. ఇలా కాసేపట్లోనే యుటెరస్ డిటాక్స్ డ్రింక్ తయారవుతుంది. న్యూట్రిషనిస్ట్ చెప్పినట్టుగా వాడితే తక్కువ రోజుల్లోనే యుటెరస్ సమస్యలు తగ్గిపోతాయి.

ఎలా వాడాలి

ఈ డిటాక్స్ డ్రింక్ ని సరిగ్గా 5 నుంచి 6 రోజుల పాటు వాడితే సమస్యలు తగ్గిపోతాయి. అయితే..నెలసరికి ముందు 6 రోజుల పాటు వాడితే ఇంకాస్త ఎఫెక్టివ్ గా పని చేస్తుంది. లేదా నెలసరి అయిపోయిన తరవాత 5 రోజుల పాటు వాడినా మంచిదే. పరగడుపున తాగితే చాలా బాగా పని చేస్తుంది. గర్భాశయంలో వచ్చే ఫైబ్రాయిడ్స్ సహా ఇతరత్రా సమస్యలన్నీ క్రమంగా తగ్గిపోతాయి. దీంతో పాటు సంతాన సమస్యలు కూడా తగ్గే అవకాశముంటుంది. అయితే.. మెడికేషన్ తో పాటు ఈ చిట్కాలు పాటించడం మంచిది. పూర్తిగా దీనిపైనే ఆధారపడడం కరెక్ట్ కాదు. వైద్యులను సంప్రదించి వాడుకోవచ్చు.

ఈ పదార్థాలతో ప్రయోజనం

ఇందులో యాడ్ చేసుకున్న నెయ్యితో పోషకాలు అందుతాయి. ముఖ్యంగా హార్మోనల్ ఇబ్బందులన్నీ తగ్గిపోయేలా ఇది తోడ్పడుతుంది. జీలకర్రతో జీర్ణ వ్యవస్థ మెరుగవుతుంది. పొట్టలో అసౌకర్యం తగ్గిపోతుంది. ఇక వాముతోనూ ఎన్నో ప్రయోజనాలున్నాయి. నెలసరి సమయంలో వచ్చే పొత్తి కడుపు నొప్పిని తగ్గించడంలో సాయ పడుతుంది. అల్లం పొడితో రక్త సరఫరా మెరుగవుతుంది. ఆహారం త్వరగా జీర్ణమవుతుంది. బెల్లం వల్ల శరీరానికి కావాల్సిన శక్తి అందుతుంది. వీటన్నింటినీ వేడి నీళ్లతో తీసుకోవడం వల్ల ఈ ప్రయోజనాలన్నీ రెట్టింపు అవుతాయి.

లాభాలెన్నో

యూరిన్ సర్క్యులేషన్ ని పెంచడంలో ఈ డిటాక్స్ డ్రింక్ చాలా బాగా పని చేస్తుంది. మూత్రంలో మంట, దుర్వాసన లాంటివి తగ్గిపోతాయి. ముఖ్యంగా హార్మోనల్ బ్యాలెన్స్ వస్తుంది. నెలసరి సరైన విధంగా వచ్చేందుకు తోడ్పడుతుంది. పిల్లలు పుట్టిన తరవాత వచ్చే సమస్యలనీ తగ్గిస్తుంది. చాలా త్వరగా ఈ ఇబ్బందుల నుంచి రికవరీ అయ్యేలా చేస్తుంది. శరీరంలో అవసరమైన వేడిని ఉంచుతుంది. ముఖ్యంగా ఆహారం జీర్ణం కావడానికి అవసరమైన ఉష్ణాన్ని అందిస్తుంది. తద్వారా జీర్ణ సమస్యలు తగ్గిపోతాయి.