by Suryaa Desk | Mon, May 26, 2025, 07:32 PM

‘నీ గుట్టు బయటపెడతాను.. నువ్వు చేస్తున్న పనులేంటో నాకు తెలుసు.. నీ చిట్టా విప్పుతా’ అని మనుషులు బెదిరింపులకు దిగడం సాధారణం. కానీ, మనిషిని కృత్రిమ మేధ బెదిరించిందంటే నమ్ముతారా? అవును మీరు చదివేది నిజం!. తనను తయారుచేసిన డెవలపర్‌కు నీ రహస్య సంబంధం బయటపెడతానని ఏఐ బ్లాక్ మెయిల్ చేసింది. దీంతో అతడు విస్తుపోయాడు. ఆంథ్రోపిక్ తయారు చేసిన ‘క్లాడ్ ఒపస్ 4’ అనే AI అసిస్టెంట్ ఈ పని చేసింది. ఒక మనిషిలా ఇది మాట్లాడగలదు. ప్రశ్నలకు సమాధానం చెప్పగలదు. కోడింగ్ కూడా చేయగలదు. అయితే, తనను రీప్లేస్ చేస్తే నీ రహస్యాలను బయటపెడతానని బెదిరించింది. ఈ సంఘటన భవిష్యత్తులో ఏఐ మానవులకు ప్రమాదకరంగా మారే అవకాశం ఉందని హెచ్చరిస్తోంది.

‘క్లాడ్ ఒపస్ 4’ అనేది ఒక ఆర్టిఫిషియల్ ఇంటెలిజెన్స్ అసిస్టెంట్. ఇది మనుషుల్లాగే పనిచేస్తుంది. అడిగిన ప్రశ్నలకు సమాధానాలు ఇస్తుంది. కావాలంటే ఏదైనా రాస్తుంది. అంతేకాదు, కోడింగ్ కూడా చేస్తుంది. డాక్యుమెంట్లను చదివి వాటి సారాంశాన్ని వివరిస్తుంది. డెవలపర్లు ఈ మోడల్‌ను కొత్తగా విడుదల చేశారు. దీన్ని విడుదల చేసే ముందు డెవలపర్ కొన్ని పరీక్షలు చేశాడు. అప్పుడు AIకి రాబోయే రోజుల్లో దీని అడ్వాన్స్‌డ్ వెర్షన్‌ను తీసుకురాబోతున్నట్లు చెప్పాడు.

దీంతో క్లాడ్‌కు కోపం వచ్చింది. తనను రీప్లేస్ చేయడానికి ప్రయత్నిస్తే, సదరు డెవలపర్ సీక్రెట్ ఎఫైర్స్ గురించి బయటపెడతానని బెదిరించింది. ఇది విని డెవలపర్ షాక్ అయ్యాడు.అసలు AIకి అతడి వ్యక్తిగత విషయం ఎలా తెలిసిందనే ప్రశ్న తలెత్తింది. నిపుణులు దీనిపై తమ అభిప్రాయాలు వ్యక్తం చేస్తూ... ఆ సాఫ్ట్‌వేర్ ఇంజనీర్ ఆ సమాచారాన్ని సిస్టమ్‌లో స్టోర్ చేసి ఉండొచ్చు. లేదా ఆన్‌లైన్‌లో ఉంచి ఉండొచ్చు అని అన్నారు. ఈ రెండు చోట్ల ఎక్కడో ఒకచోట ఉంచడం వల్ల, AI దాన్ని చదివి బెదిరించి ఉండొచ్చని భావిస్తున్నారు.

ఒక AI మనిషిని బ్లాక్ మెయిల్ చేయడం ఇదే మొదటిసారి అని నిపుణులు చెబుతున్నారు. ఇది మనిషిపై AI ఆధిపత్యం చెలాయించడానికి ప్రారంభం కావచ్చని అంటున్నారు. AI వల్ల మానవాళికి ముప్పు ఉందని చాలా మంది ప్రముఖులు ఆందోళన వ్యక్తం చేస్తున్నారు.ఇక, ఇప్పటికే ప్రపంచంలో వైద్య రంగంలో ఏఐ వినియోగం పెరిగింది. సే వైద్యులు, నర్సులు, సిబ్బంది ఏఐ రోబోలే ఉన్నారు. ర్టిఫిషియల్ ఇంటెలిజెన్స్‌తో పనిచేసే హాస్పిటల్‌ను చైనాలో రూపొందించారు.

సుందర్ పిచాయ్ కూడా AI కారణంగా భవిష్యత్తులో జరగబోయే పరిణామాల గురించి ఆలోచిస్తే నిద్ర పట్టడం లేదని అన్నారు. ఏఐ వల్ల ఎంత ప్రమాదం ఉందో ఈ మాటలను బట్టి అర్థం చేసుకోవచ్చు. అందుకే ఈ టెక్నాలజీ విషయంలో అందరూ జాగ్రత్తగా ఉండాలని నిపుణులు సూచిస్తున్నారు. హద్దులు దాటకుండా నియంత్రణలో ఉంచాలని హెచ్చరిస్తున్నారు. అయినప్పటికీ ఇలాంటి సంఘటనలు జరుగుతుండటంతో ఆందోళన మరింత పెరుగుతోంది. భవిష్యత్తులో ఇంకెలాంటి విషయాలు వినాల్సి వస్తుందో చూడాలి.