by Suryaa Desk | Wed, May 14, 2025, 11:38 PM

షాపింగ్ చేయడం అంటే అదో పెద్ద ప్రహసనం. గంటల కొద్దీ టైమ్ కేటాయించాలి. ఏదీ ఓ పట్టాన నచ్చదు. కలర్ నచ్చితే సైజ్ సరిపోదు. సైజ్ సరిపోయిన వాటిలో కలర్ నచ్చదు. అమ్మాయిలకంటే రకరకాల ఆప్షన్స్ ఉంటాయి. కానీ అబ్బాయిలకు మహా అయితే ఓ జీన్స్, టీ షర్ట్ లేదా షర్ట్. వీటిలోనే కాస్త వెరైటీగా ఏమైనా చూడాలనుకుంటారు. అయితే..షర్ట్స్, టీ షర్ట్స్ ప్యాటర్న్స్ లో ఇప్పుడు చాలా వెరైటీలు వస్తున్నాయి. కానీ జీన్స్ మాత్రం అవే ఉంటున్నాయి.

పైగా ఒక్కో బ్రాండ్ ని బట్టి ఒక్కో విధంగా ఉంటాయి సైజ్ లు. ఓ బ్రాండ్ లో ఫిట్టింగ్ సరిగ్గా ఉంటే మరో బ్రాండ్ అదే సైజ్ ప్యాంట్ మరోలా ఉంటుంది. ఇవన్నీ ట్రయల్స్ వేసే సరికే టైమ్ అంతా వేస్ట్ అయిపోతుంది. అయితే..ప్రతిసారీ ఇలా కాకుండా ఓ రెండు ట్రిక్స్ ఫాలో అయితే ఆ ప్యాంట్ సరిగ్గా సరిపోతుందా లేదా అన్నది సులువుగా తెలుసుకోవచ్చు. ఇన్ స్టాగ్రామ్ లో ఫ్యాషన్ టిప్స్ చెప్పే హేమంత్ రెండు సింపుల్ హ్యాక్స్ చెప్పాడు. వాటిని ఫాలో అయితే ప్యాంట్ మీకు ఫిట్ అవుతుందా లేదా అని తెలిసిపోతుంది.

జీన్స్ అంటేనే స్టైల్

స్టైల్ గా కనిపించడానికి ఏమీ చేయనక్కర్లేదు. సింపుల్ గా ఓ జీన్స్ వేసి పైన టీషర్ట్ వేసుకుంటే చాలు. స్టైల్ కి అలా ఐకాన్ గా మారిపోయాయి జీన్స్ ప్యాంట్స్. ఒకప్పుడు అబ్బాయిలకు మాత్రమే ఇవి అందుబాటులో ఉండేవి. తరవాత అమ్మాయిలకు తగ్గట్టుగా ఇవి మార్కెట్ లోకి వచ్చేశాయి. ఇప్పుడు వాళ్లు వీళ్లు అనే తేడా లేకుండా అందరూ వాడుతున్నారు. పైగా ఇందులో ఎన్నో మోడల్స్ వచ్చాయి.

కాస్త టైట్ గా వేసుకునే వాళ్లకి టైట్ జీన్స్, కంఫర్ట్ గా ఉండాలనుకునే వాళ్లకి స్ట్రెచబుల్ జీన్స్ అందుబాటులో ఉన్నాయి. షేడెడ్, స్లిమ్ ఫిట్, యాంకిల్ ఫిట్..ఇలా రకరకాల జీన్స్ ఉన్నాయి. అయితే..సైజ్ విషయంలో మాత్రం కొన్ని సార్లు ఇబ్బందులు వస్తుంటాయి. ఫిట్టింగ్ తేడా ఉండడం వల్ల ఒక్కోసారి సరిగ్గా సరిపోవు. అలాంటప్పుడే రెండు ట్రిక్స్ ఫాలో అవ్వాలని చెబుతున్నాడు ఫ్యాషన్ ఎక్స్ పర్ట్ హేమంత్.

ఆ ట్రిక్స్ ఏంటంటే

హేమంత్ హర్చానీ పోస్ట్ చేసిన రీల్ ప్రకారం చూస్తే రెండు రకాలుగా జీన్స్ ప్యాంట్ సైజ్ మనకి కరెక్ట్ గా సరిపోతుందో లేదో చెక్ చేసుకోవచ్చు. అందులో మొదటిది మన చేయి నుంచి మోచేయి వరకూ ఉండే సైజ్ ని కొలవడం. నడుము కరెక్ట్ గా ఫిట్ అవ్వాలంటే చేయి నుంచి మోచేయి వరకూ ఉండే సైజ్ ఎంత ఉందో చెక్ చేసుకోవాలి. అంటే..ఈ కొలత ప్రకారమే మన నడుము కొలత ఉంటుందని అర్థం. ప్రతిసారీ ట్రయల్ వేసుకోకుండా సింపుల్ గా ఈ రీల్ లో చూపించినట్టుగా ప్యాంట్ వెయిస్ట్ ని మన చేయి నుంచి మోచేయి వరకూ కొలవాలి. కరెక్ట్ గా సరిపోయిందంటే అది మనకి ఫిట్ అవుతుందని గమనించాలి. ఒకవేళ ఎక్కువ, తక్కువ అనిపిస్తే మాత్రం వేరేది సెలెక్ట్ చేసుకోవడం బెటర్.

ఈ ట్రిక్స్ ఫాలో అవండి

లెంత్ ఎలా చెక్ చేయాలంటే

నడుము సరిగ్గా సరిపోతుందా లేదా అని తెలుసుకోడానికి పైన చెప్పిన ట్రిక్ ఫాలో అవచ్చు. మరి లెంత్ సంగతేంటి. దీనికి కూడా ఈ రీల్ లో ఓ ట్రిక్ చెప్పారు. లెంత్ కరెక్ట్ గా ఉందా లేదా అని తెలుసుకోడానికి రీల్ లో చూపించినట్టుగా రెండు చేతులూ చాచాలి. రెండు వైపులా ప్యాంట్ ని ఎక్స్ పాండ్ చేసి పట్టుకోవాలి. ఈ రెండు చేతుల దూరానికి తగ్గట్టుగా ప్యాంట్ లెంత్ ఉందంటే అది మీకు సరిపోతుందని అర్థం. ఒకవేళ మీ చేతుల మధ్య ఉన్న లెంత్ కన్నా ఎక్కువ కానీ, తక్కువ కానీ ఉందంటే అది పక్కన పెట్టి వేరేది ట్రై చేయాలి.

ఈ ట్రిక్స్ కూడా తెలుసుకోండి

కొన్ని సార్లు జీన్స్ ప్యాంట్స్ వెయిస్ట్ బాగా టైట్ అయిపోతుంది. ఇక వీటిని వాడలేమని పక్కన పడేస్తారు. కానీ కొన్ని ట్రిక్స్ ఫాలో అయితే వాటిని ఇంకొంత కాలం పాటు వాడుకోవచ్చు. జీన్స్ వెయిస్ట్ ని ఎక్స్ పాండ్ చేయాలంటే ముందుగా గోరువెచ్చని నీళ్లని ఓ స్ప్రే బాటిల్ లో పోయాలి. వెయిస్ట్ పైన ఈ నీళ్లను స్ప్రే చేయాలి. తరవాత ఎక్కువ సార్లు స్ట్రెచ్ చేయాలి. ఇలా చేయడం వల్ల కొంత వరకూ వెయిస్ట్ లూస్ అవుతుంది. లేదా పూర్తిగా గోరువెచ్చని నీళ్లలో జీన్స్ ని నానబెట్టి స్ట్రెచ్ చేయాలి. ఇది కూడా కొంత పని చేస్తుంది.

ఒకవేళ లూజ్ అయితే

జీన్స్ నడుము లూజ్ అయితే కొన్ని ట్రిక్స్ తో కొంత టైట్ చేయొచ్చు. వెడల్పాటి బెల్ట్ ని వాడితే జీన్స్ టైట్ గా ఉంటుంది. ఫోమ్ రోలర్ తో మసాజ్ చేస్తే ఫ్యాబ్రిక్ కాస్త స్ట్రెచ్ అవుతుంది. తద్వారా వెయిస్ట్ వదులుగా మారుతుంది. ప్యాంట్ ఎక్స్ టెండర్ అందుబాటులో ఉంటున్నాయి. వీటిని సరిగ్గా వెయిస్ట్ కి క్లిప్ చేసి ఉంచితే సరిగ్గా ఫిట్ అవుతాయి. మరిగే నీళ్లతో జీన్స్ ని ఉతికితే కొంత వరకూ ఫ్యాబ్రిక్ సింక్ అయ్యి నడుము టైట్ అయ్యే అవకాశముంటుంది.