by Suryaa Desk | Tue, Feb 06, 2024, 01:41 PM

ఎన్టీఆర్ జిల్లా, కొండపల్లిలో ఓ మహిళ, వ్యక్తి మధ్య ఉన్న అక్రమసంబంధం ఘటన ఆలస్యంగా వెలుగులోకి వచ్చింది. వివరాల్లోకి వెళితే.. విజయవాడ సింగినగర్‌కు చెందిన మహిళ భర్తకు దూరంగా కొండపల్లిలో నివాసము ఉంటోంది. అదే సింగినగర్‌కు చెందిన వ్యక్తి సత్యనారాయణ ఆ మహిళలతో పరిచయం పెంచుకున్నాడు. ఆ పరిచయం కాస్త అక్రమ సంబంధంగా మారింది. సత్యనారాయణ ఆ మహిళ దగ్గరికి రావడం తెలుసుకున్న ఆయన భార్య పిల్లలు సత్యనారాయణను రెడ్ హ్యాండెడ్‌గా పట్టుకొని మహిళపై దాడి చేశారు. ఈ ఘటనలో ఆమె తీవ్రంగా గాయపడింది. స్థానికులు ఇచ్చిన సమాచారంతో ఇబ్రహీంపట్నం పోలీసులు సంఘటన ప్రదేశానికి చేరుకుని గాయపడిన మహిళను ఆస్పత్రికి తరలించి, కేసు నమోదు చేసి దర్యాప్తు చేపట్టారు. పూర్తి సమాచారం తెలియాల్సి ఉంది.