సర్వర్ సమస్యతో ఇబ్బందులు పడిన ప్రజలు

by Suryaa Desk | Mon, Feb 05, 2024, 07:17 PM

గుత్తి సబ్ రిజిస్ట్రార్ కార్యాలయంలో గత వారం రోజులుగా సర్వర్ సమస్య కారణంగా ఆస్తుల క్రయ, విక్రయాలకు ఆటంకం కలుగడంతో ప్రజలు ఇబ్బందులు పడుతున్నారు. సోమవారం కూడా సర్వర్ సమస్య కారణంగా ఆస్తుల క్రయ, విక్రయాలు జరుగక ఇబ్బందులు పడ్డామని రామకృష్ణ అను వ్యక్తి అసహనం వ్యక్తం చేశారు. ఇప్పటికైనా రిజిస్ట్రేషన్ శాఖ ఉన్నతాధికారులు స్పందించి రిజిస్ట్రేషన్ సర్వర్ సమస్యను పరిష్కారం చేయాలని జనం కోరుతున్నారు.