by Suryaa Desk | Thu, Sep 14, 2023, 12:47 PM

పుంగనూరు సమీపంలోని బోడినాయనిపల్లె వద్ద ఆర్టీసీ బస్సు నిలపలేదని కొందరు వ్యక్తులు కుప్పం డిపోకు చెందిన డ్రైవర్‌ త్యాగరాజుపై బుధవారం రాత్రి దాడి చేశారు. కుప్పం- మదనపల్లె మార్గంలో నడుస్తున్న ఆర్టీసీ బస్సులో కొందరు మదనపల్లెనుంచి పుంగనూరు వస్తుండగా బోడినాయునిపల్లె బస్టాప్‌ వద్ద బస్సు నిలపాలని కోరారు. డ్రైవర్‌ త్యాగరాజు ఎక్సప్రెస్స్ బస్సు ఎక్కడపడితే అక్కడ నిలవదని సమాధానం చెప్పడంతో ప్రయాణికులు డ్రైవర్‌పై దాడి చేసి గాయపరిచారు. దీంతో డ్రైవర్‌ బస్సును పోలీ్‌సస్టేషన్‌ వద్ద నిలిపి పోలీసులకు ఫిర్యాదు చేశారు. అయితే పట్టణంలోని కొంతమంది అక్కడకు చేరుకుని ఇరువర్గాలకు నచ్చచెప్పి పంపివేయడంతో పోలీసులు కేసు నమోదు చేయలేదని తెలిసింది.