by Suryaa Desk | Tue, Sep 12, 2023, 12:31 PM

ప్రస్తుతం రాజమండ్రి సెంట్రల్ జైలులో చంద్రబాబు రిమాండ్‌లో ఉన్న విషయం తెలిసిందే. ఈ నేపథ్యంలో టీడీపీ అధినేత చంద్రబాబుని కలిసేందుకు కుటుంబ సభ్యులు ములాఖత్‌కు అనుమతి తీసుకున్నారు. చంద్రబాబు సతీమణి, కోడలు భువనేశ్వరి, బ్రహ్మణి‌లు ఈ రోజు మధ్యాహ్నం రాజమండ్రికి చేరుకోనున్నారు. వీరికి సాయంత్రం నాలుగు గంటలకు ములాఖత్‌కు జైలు అధికారులు అనుమతి ఇచ్చారు. జైలు సమీపంలో పోలీసులు ఆంక్షలు కొనసాగుతున్నాయి. చంద్రబాబు భద్రత పై కుటుంబ సభ్యులు, టీడీపీ శ్రేణులు ఆందోళన చెందుతున్నారు. ఈ రోజు ఇంటి నుంచి చంద్రబాబుకు అల్పాహారం అందింది.