ట్రెండింగ్
ఈ సమయంలో విడుదల కానున్న 'సాలార్' కొత్త ట్రైలర్
cinema | Suryaa Desk | Published : Sun, Dec 17, 2023, 11:43 AM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. మూవీ మేకర్స్ ఈరోజు ఆన్లైన్లో ఈ యాక్షన్ సినిమా ట్రైలర్ను విడుదల చేస్తున్నట్లు ప్రకటించారు. ట్రైలర్ విడుదలకి నిర్దిష్ట సమయం ప్రకటించనప్పటికీ కొత్త యాక్షన్-ప్యాక్డ్ ట్రైలర్ ఈరోజు రాత్రి ఆవిష్కరించబడుతుందని తాజా సమాచారం.
యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు.
ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|