'హనుమాన్' ట్రైలర్ విడుదలకి టైమ్ లాక్
cinema | Suryaa Desk | Published : Sat, Dec 16, 2023, 03:53 PM
యువ దర్శకుడు ప్రశాంత్ వర్మ దర్శకత్వం వహించిన భారతీయ సూపర్ హీరో చిత్రం 'హనుమాన్' లో తేజ సజ్జ ప్రధా పాత్రలో కనిపించనున్నాడు. ఈ సినిమాలో తేజకు జోడీగా అమృత అయ్యర్ జోడిగా నటిస్తోంది. తాజాగా మూవీ మేకర్స్ ఈ సినిమా థియేట్రికల్ ట్రైలర్ను హైదరాబాద్ లోని AMB సినిమాస్ లో డిసెంబర్ 19న ఉదయం 10:08కి గ్రాండ్ లాంచ్ ఈవెంట్ లో విడుదల చేయనున్నట్లు మూవీ మేకర్స్ అధికారకంగా ప్రకటించారు. ఈ విషయాన్ని తెలియజేసేందుకు చిత్ర బృందం సరికొత్త పోస్టర్ ని విడుదల చేసి ప్రకటించారు.
ఈ పాన్ ఇండియా చిత్రం జనవరి 12, 2024న వెండితెరపైకి రానుంది. డాక్టర్, ఓ మై డాగ్ చిత్రాలలో విలన్ పాత్రను పోషించిన వినయ్ రాయ్ ఈ సినిమాలో మైఖేల్ అనే విలన్ పాత్రలో నటిస్తున్నారు. అనుదీప్ దేవ్, హరి గౌర, జై క్రిష్ మరియు కృష్ణ సౌరభ్ ఈ చిత్రానికి సౌండ్ట్రాక్లు అందిస్తున్నారు. కె నిరంజన్ రెడ్డి తన ప్రైమ్ షో ఎంటర్టైన్మెంట్ బ్యానర్పై హను-మాన్ చిత్రాన్ని నిర్మిస్తున్నారు.
|
|