ఉపాసనకు స్పెషల్ గిఫ్ట్ పంపిన అలియా భట్

మెగా కోడలు ఉపాసన గురించి ప్రత్యేకంగా పరిచయం అవసరం లేదు.మెగా కోడలిగా రామ్ చరణ్ సతీమణిగా ఎంతో మంచి పేరు ప్రఖ్యాతలు సంపాదించుకున్న ఉపాసన ప్రస్తుతం గర్భిణీ అనే విషయం మనకు తెలిసిందే.రామ్ చరణ్ ఉపాసన వివాహం జరిగిన పది సంవత్సరాల తర్వాత ఈ దంపతులు తల్లిదండ్రులు కావడంతో కుటుంబ సభ్యులతో పాటు అభిమానులు కూడా ఎంతో సంతోషం వ్యక్తం చేస్తున్నారు.ప్రస్తుతం ఏడు నెలల గర్భంతో ఉన్నటువంటి ఉపాసన మరికొన్ని నెలలలో మెగా వారసుడు లేదా వారసురాలిని ఇవ్వబోతున్నారు.

ఉపాసన ప్రెగ్నెంట్ కావడంతో రామ్ చరణ్ తన సమయాన్ని ఉపాసనతో కేటాయించడానికి ఇష్టపడుతున్నారు. ఈ క్రమంలోనే ఉపాసనతో కలిసి ఈయన తరచూ వెకేషన్ కి వెళ్తూ ఎంజాయ్ చేస్తున్నారు. ఇక ఈ జంట ప్రస్తుతం దుబాయ్ లో ఉన్న విషయం మనకు తెలిసిందే. దుబాయిలో ఉపాసన రాంచరణ్ స్నేహితులు కజిన్స్ ఉపాసనకు పెద్ద ఎత్తున బేబీ షవర్ వేడుకను కూడా నిర్వహించారు. ఇందుకు సంబంధించిన ఫోటోలను ఉపాసన సోషల్ మీడియా వేదిక షేర్ చేశారు.

ఇకపోతే తాజాగా ఉపాసన కోసం ప్రముఖ బాలీవుడ్ నటి అలియా భట్ ప్రత్యేకమైన గిఫ్ట్ పంపించారు.ఇదే విషయాన్ని ఉపాసన సోషల్ మీడియాలో షేర్ చేస్తూ తనకు కృతజ్ఞతలు తెలిపారు. అలియా భట్ ప్రస్తుతం ఈద్ ఏ మమ్మ అనే క్లోతింగ్ బ్రాండ్ కి బ్రాండ్ అంబాసిడర్ గా వ్యవహరిస్తున్న విషయం మనకు తెలిసిందే. ఈ క్రమంలోనే ఈ బ్రాండ్ కు సంబంధించిన కొన్ని దుస్తులను ఈమె ఉపాసనకు కానుకగా పంపించారు. ప్రస్తుతం ఉపాసన ప్రెగ్నెంట్ కావడంతో ప్రెగ్నెన్సీ సమయంలో తనకు ఏ విధమైనటువంటి దుస్తులు అవసరం అవుతాయి, పుట్టబోయే బిడ్డకు కూడా ఉపయోగపడే దుస్తులను ఈమె కానుకగా పంపించడంతో ఉపాసన వీటిని సోషల్ మీడియా వేదికగా షేర్ చేస్తూ తనకు స్పెషల్ థాంక్స్ తెలియజేశారు.ఇక అలియా భట్ గత కొద్దిరోజుల క్రితం ఎన్టీఆర్ పిల్లలకు కూడా ఇలాగే డ్రెస్ కానుకగా పంపించిన విషయం మనకు తెలిసిందే.