ఉస్తాద్ భగత్ సింగ్ లో మార్పులు.. నిజం కాదన్న హరీష్ శంకర్
cinema | Suryaa Desk | Published : Wed, Mar 15, 2023, 05:28 PM
పవర్ స్టార్ పవన్ కళ్యాణ్ గారి అప్ కమింగ్ మూవీస్ లో "ఉస్తాద్ భగత్ సింగ్" ఒకటి. హరీష్ శంకర్ ఈ సినిమాకు దర్శకుడు కాగా, దేవి శ్రీ ప్రసాద్ సంగీతం అందిస్తున్నారు.
భవదీయుడు భగత్ సింగ్ నుండి ఉస్తాద్ భగత్ సింగ్ గా మారిన ఈ ప్రాజెక్ట్ పై మీడియాలో అనేక రకాల రూమర్లు ప్రచారంలో ఉన్నాయి. తాజాగా ఈ సినిమాలో కొన్ని మార్పులను మేకర్స్ చేస్తున్నారంటూ సరికొత్త ప్రచారం జోరందుకుంది. కోలీవుడ్ హిట్ మూవీ 'తేరి' కి రీమేక్ అని పరిగణించబడుతున్న ఈ సినిమాలో పవన్ లెక్చరర్ గా నటించబోతున్నారని, ఆ సినిమాలో చిన్న పాప చేసిన రోల్ ని ఇందులో ఒక బాబు చేత చేయిస్తున్నారని, ఇందుకు సంబంధించి ఆడిషన్స్ కూడా జరుగుతున్నాయని నడుస్తున్న టాక్ ని హరీష్ శంకర్ ఒకే ఒక్క ట్వీట్ తో ఫుల్ స్టాప్ పెట్టేసారు.
ఇదంతా ఒత్తి పుకారేనని, నేను ట్విట్టర్ లో చురుకుగానే ఉంటాను కాబట్టి, సదరు సమాచారాన్ని పోస్ట్ చేసిన వారు తనను సంప్రదించి ఉంటే బాగుండేదని హరీష్ ట్వీట్ లో పేర్కొన్నారు.
|
|