మెగాస్టార్ - వీవీ వినాయక్ కాంబోలో ముచ్చటగా మూడో రీమేక్..!!
cinema | Suryaa Desk | Published : Thu, Jan 19, 2023, 10:57 AM
మెగాస్టార్ చిరంజీవి గారి కెరీర్ లో 'ఠాగూర్' మూవీ బిగ్ కమర్షియల్ సక్సెస్ గా నిలిచిన విషయం తెలిసిందే. మలయాళ మూవీ 'రమణ' కి తెలుగు రీమేక్ గా డైరెక్టర్ వీవీ వినాయక్ గారు ఠాగూర్ రూపొందించి, విమర్శకుల ప్రశంసలు అందుకున్నారు.
ఆపై మెగాస్టార్ తోనే కోలీవుడ్ సూపర్ హిట్ 'కత్తి' ని తెలుగులో 'ఖైదీ నెం. 150'గా రీమేక్ చేసి మరొక బ్లాక్ బస్టర్ అందుకున్నారు. ఈ సినిమాతో చిరు సెకండ్ ఇన్నింగ్స్ స్టార్ట్ చేసి, ఘనవిజయం సొంతం చేసుకున్నారు.
తాజా బజ్ ప్రకారం, ఇప్పుడు వీరిద్దరి కలయికలో ముచ్చటగా మూడో రీమేక్ రూపొందబోతుందని తెలుస్తుంది. ఇంతకూ వీళ్ళు రీమేక్ చెయ్యబోయే సినిమా ఏదంటే... అజిత్, నయనతార జంటగా నటించిన సూపర్ హిట్ "విశ్వాసం". శివ డైరెక్షన్లో యాక్షన్ ఎమోషనల్ డ్రామాగా రూపొందిన ఈ సినిమా 2019లో విడుదలై బిగ్ హిట్ గా నిలిచింది. ఆపై తెలుగులో కూడా అదే పేరుతో అనువాదం అయ్యింది. మరి, ఈ సినిమాను చిరు- వినాయక్ లు రీమేక్ చెయ్యబోతున్నారన్న విషయంపై అఫీషియల్ క్లారిటీ రావలసి ఉంది.
|
|