కార్తీ "జపాన్" పై లేటెస్ట్ అప్డేట్
cinema | Suryaa Desk | Published : Mon, Jan 09, 2023, 07:29 PM
'సర్దార్' బ్లాక్ బస్టర్ హిట్ తదుపరి హీరో కార్తీ నటిస్తున్న కొత్త చిత్రం "జపాన్". పూజా కార్యక్రమాలతో నవంబర్ లో ప్రారంభమైన ఈ ప్రాజెక్ట్ ను రాజు మురుగన్ డైరెక్ట్ చేస్తుండగా, అను ఇమ్మానుయేల్ హీరోయిన్ గా నటిస్తుంది. జీవీ ప్రకాష్ కుమార్ సంగీతం అందిస్తున్నారు. డ్రీమ్ వారియర్ పిక్చర్స్ సంస్థ ఈ సినిమాను నిర్మిస్తుంది. సునీల్ కీలక పాత్రలో నటిస్తున్నారు. పోతే, తెలుగు, తమిళం, కన్నడం, మలయాళ భాషలలో ఈ సినిమా విడుదల కాబోతుంది.
తాజా సమాచారం ప్రకారం, జపాన్ పోస్ట్ థియేట్రికల్ హక్కులను నెట్ ఫ్లిక్స్ సంస్థ సాలిడ్ ఎమౌంట్ చెల్లించి దక్కించుకుందంట. ఈ ఎమౌంట్ ఎంతన్నది బయటకు రాలేదు.
ఇటీవల ఫస్ట్ లుక్ పోస్టర్లో లావైన బంగారు గొలుసు, దానికి వజ్రాలతో పొదగబడిన రూపాయి బిళ్ళ లాకెట్,ముఖంలో తనల్నెవరూ ఏం చెయ్యలేరనే పొగరు ... మొత్తంగా ఫస్ట్ లుక్ ప్రేక్షకుల దృష్టిని విశేషంగా ఆకర్షించింది. దీంతో ఈ సినిమాపై చాలా మంచి అంచనాలు నెలకొన్నాయి.
|
|