ప్రముఖ నిర్మాణసంస్థలో ఛాన్స్ కొట్టేసిన 'ధమాకా' డైరెక్టర్..!
cinema | Suryaa Desk | Published : Sat, Jan 07, 2023, 04:11 PM
మాస్ రాజా రవితేజ హీరోగా, యంగ్ బ్యూటీ శ్రీలీల హీరోయిన్ గా, నక్కిన త్రినాధరావు డైరెక్షన్లో రూపొందిన మాస్ కమర్షియల్ యాక్షన్ ఎంటర్టైనర్ "ధమాకా". రీసెంట్గానే ధియేటర్లకొచ్చిన ఈ సినిమా ప్రేక్షకుల నుండి విశేష ప్రశంసలందుకుంటుంది.
తాజా బజ్ ప్రకారం, ధమాకా బ్లాక్ బస్టర్ హిట్ కావడంతో డైరెక్టర్ నక్కిన త్రినాధరావు కి టాలీవుడ్ లీడింగ్ ప్రొడక్షన్ హౌస్ మైత్రి మూవీ మేకర్స్ సంస్థ ఒక సినిమా చేసే బిగ్ ఆపర్చ్యునిటీ ఇచ్చిందంట. త్రినాథరావు నెక్స్ట్ సినిమాగానే ఈ ప్రాజెక్ట్ ఉండబోతుందంట. మరి, ఈ సినిమాలో నటించబోయే హీరో, హీరోయిన్, ఇతరత్రా వివరాలు తెలియాల్సి ఉంది. అంతకన్నా ముందుగా అసలు ఈ ప్రాజెక్ట్ పట్టాలెక్కడం నిజమేనా? అన్నది తెలియాల్సి ఉంది.
ప్రియతమా నీవచట కుశలమా సినిమాతో 2013లోనే డైరెక్టర్ గా టాలీవుడ్ ఎంట్రీ ఇచ్చిన త్రినాథరావు, 2015లో రాజ్ తరుణ్ హీరోగా నటించిన 'సినిమా చూపిస్తా మావ' సినిమాతో బ్లాక్ బస్టర్ హిట్ అందుకున్నారు. ఆపై నానితో 'నేను లోకల్', రామ్ తో "హలో గురూ ప్రేమకోసమే", లేటెస్ట్ గా రవితేజ తో "ధమాకా" సినిమాలను తెరకెక్కించారు.
|
|