బాహుబలి ఎపిసోడ్ :స్పెషల్ ప్రోమో విడుదల చేసిన ఆహా
cinema | Suryaa Desk | Published : Wed, Dec 28, 2022, 09:16 PM
నటసింహం నందమూరి బాలకృష్ణ గారి డిజిటల్ టాక్ షో 'అన్స్టాపబుల్ విత్ NBK సీజన్ 2' లో పాన్ ఇండియా స్టార్ ప్రభాస్ పాల్గొన్న విషయం అందరికి తెలిసిందే. ఈ ఎపిసోడ్ రెండు భాగాలుగా ఉంటుందని, ఫస్ట్ పార్ట్ డిసెంబర్ 30న, రెండో భాగం జనవరి 6న ఆహా ఓటిటిలో స్ట్రీమింగ్ అవుతుందని ఈ రోజే ఎనౌన్స్ చేసి డార్లింగ్ ఫ్యాన్స్ సంతోషాన్ని డబుల్ చేసారు.
డిసెంబర్ 30వ తేదీన స్ట్రీమింగ్ కి రాబోతున్న బాహుబలి ఎపిసోడ్ కి సంబంధించి తాజాగా ఒక స్పెషల్ ప్రోమోను ఆహా యాజమాన్యం విడుదల చేసింది. ఇందులో బాలయ్య, ప్రభాస్ లమధ్య నడిచే కొంటె సంభాషణ వీక్షకుల మనసులను దోచుకుంటుంది. పెళ్ళెప్పుడు అని అడిగితే..రాసి పెట్టి లేదేమో సర్ అని ప్రభాస్ అనడం, మీ అమ్మకు చెప్పే సమాధానాలు నాకు చెప్పొద్దని బాలయ్య అనడం, ప్రేక్షకులను తెగ నవ్విస్తుంది. అలానే డార్లింగ్ అని నువ్ పిలిస్తే దెయ్యాలు కూడా దేవతలుగా మారిపోతాయి, నేను కూడా నీ మాయలో పడిపోయాను అని బాలయ్య అనడం డార్లింగ్ ఫ్యాన్స్ లో కొత్త ఉత్తేజాన్ని నింపుతుంది.
హై లైట్ ఏంటంటే... చరణ్ తో ఫోన్ కాల్ లో మాట్లాడుతూ బాలయ్య .. సంక్రాంతికి ముందు నా సినిమా చూసి ఆ తరవాత మీ నాన్నగారి సినిమా చుడండి ..అని చెప్పడం.
|
|