ట్రెండింగ్
రాబోయే రెండేళ్లలో... మెగా బ్రదర్స్ మల్టీస్టారర్..!!
cinema | Suryaa Desk | Published : Wed, Dec 28, 2022, 10:02 AM
మెగాస్టార్ చిరంజీవి గారు మాస్ రాజా రవితేజతో కలిసి "వాల్తేరు వీరయ్య" సినిమాను చేస్తున్న విషయం తెలిసిందే కదా. బాబీ డైరెక్షన్లో కమర్షియల్ యాక్షన్ ఎంటర్టైనర్ గా రూపొందిన ఈ సినిమా సంక్రాంతి కానుకగా వచ్చే నెల 13వ తేదీన తెలుగు, హిందీ భాషలలో విడుదల కాబోతుంది.
ఈ నేపథ్యంలో నిన్న వాల్తేరు వీరయ్య చిత్రబృందం అధికారిక ప్రెస్ మీట్ నిర్వహించింది. ఈ ప్రెస్ మీట్ లో చిరు మాట్లాడుతూ.. ఈ సినిమాలో రవితేజ తో కలిసి పనిచెయ్యడం చాలా ఆనందంగా ఉందని, ఇతర హీరోలతో కలిసి నటించే ఆలోచన కూడా తనకు ఉన్నట్టు తెలిపారు. అలానే రాబోయే రెండేళ్లలో తన తమ్ముడు పవర్ స్టార్ పవన్ కళ్యాణ్ గారితో కలిసి ఒక మల్టీస్టారర్ కూడా చేసే అవకాశాలు ఉన్నాయని పేర్కొన్నారు. స్వయంగా చిరు నోటివెంట పవన్ తో కలిసి నటించే ఆలోచన ఉందని రావడంతో మెగా అభిమానులు ఆనందోత్సాహాల్లో తేలియాడుతున్నారు.
|
|