'లవ్ టుడే' ని బాలీవుడ్లో రీమేక్ చేయనున్న స్టార్ హీరో?
cinema | Suryaa Desk | Published : Tue, Dec 20, 2022, 08:40 PM
కోమలి ఫేమ్ దర్శకుడు ప్రదీప్ రంగనాథన్ హీరోగా నటించిన 'లవ్ టుడే' సినిమా తమిళనాడు బాక్సాఫీస్ వద్ద విడుదలైన అనతికాలంలోనే 70 కోట్ల మార్క్ను దాటింది. ప్రముఖ నిర్మాత దిల్ రాజు ఈ తెలుగు-డబ్బింగ్ వెర్షన్ నవంబర్ 18, 2022న గ్రాండ్ గా విడుదల చేయగా ఈ రొమాంటిక్ కామెడీ తెలుగు బాక్సాఫీస్ వద్ద మంచి వసూళ్లు రాబట్టింది.
రొమాంటిక్ కామెడీ ట్రాక్ లో వచ్చిన ఈ సినిమాలో ప్రదీప్ రంగనాథన్ సరసన ఇవానా జంటగా నటించారు. సత్యరాజ్, రాధికా శరత్కుమార్, యోగి బాబు తదితరులు ఈ చిత్రంలో కీలక పాత్రలు పోషించారు. ఏజీఎస్ ఎంటర్టైన్మెంట్స్ ఈ సినిమాని నిర్మించింది. ఈ చిత్రానికి యువన్ శంకర్ రాజా సంగీతం అందించారు.
తాజగా ఇప్పుడు ఈ చిత్రాన్ని బాలీవుడ్లో రీమేక్ చేయడానికి స్టార్ హీరో వరుణ్ ధావన్ ఆసక్తి చూపుతున్నట్లు వార్తలు వస్తున్నాయి. ఈ సినిమా బాలీవుడ్ రైట్స్ ని కొనుగోలు చేసేందుకు ప్లాన్ చేస్తున్నాడని, తన తండ్రి డేవిద్ ధావన్ దర్శకత్వం వహిస్తాడని సమాచారం. మరి ఈ ప్రాజెక్ట్ సెట్స్ పైకి వెళ్తుందో లేదో చూడాలి.
|
|