పవన్ తో విభేదాలపై స్పందించిన ఆలీ..!!
cinema | Suryaa Desk | Published : Mon, Dec 19, 2022, 10:25 PM
పవర్ స్టార్ పవన్ కళ్యాణ్ గారు కమెడియన్ ఆలిగారు సుదీర్ఘకాలం స్నేహితులుగా ఉన్న విషయం అందరికీ తెలిసిందే. ఐతే, ఈ మధ్య వారిద్దరి మధ్య బేధాభిప్రాయాలు వచ్చాయని, ఇద్దరూ మాట్లాడుకోవట్లేదని.. ఇలా ఎన్నో రకాలుగా ప్రచారం జరుగుతుంది. కారణం 2019 ఎలక్షన్స్ టైం లో ఆలీ పవన్ కళ్యాణ్ జనసేన పార్టీని కాదని వేరే పార్టీ తీర్ధం పుచ్చుకోవడమని తెలుస్తుంది. కారణమేదైనా కానీ, వీరిద్దరూ కలిసి సినిమాలు చెయ్యడం మానేశారనేది జగమెరిగిన సత్యం.
తాజాగా అలీతో సరదాగా 300ప్లస్ ఎపిసోడ్ కు సుమ కనకాల హోస్ట్ గానూ, అలీ చీఫ్ గెస్ట్ గానూ వ్యవహరించారు. ఈ నేపథ్యంలో సుమ ఆలీని పవన్ కళ్యాణ్ గారితో మీకు గ్యాప్ ఎందుకొచ్చింది? అని డైరెక్ట్ గా ప్రశ్నిస్తుంది. అందుకు అలీ వెంటనే సమాధానమిస్తారు... గ్యాప్ కావాలని ఇచ్చింది కాదు.. క్రియేట్ అయ్యింది..అని ఇంకా ఏదో చెప్పబోతుండగా, ప్రోమో కట్ అయిపోతుంది. పవన్ కళ్యాణ్ గారి తో తనకున్న విభేదాలపై అలీ ఏమన్నారో తెలియాలంటే.. ఈ ఎపిసోడ్ ఫుల్ వీడియో విడుదలయ్యేంత వరకు ఆగాల్సిందే.
|
|