'వాల్తేరు వీరయ్య' ట్రైలర్ వచ్చేది అప్పుడేనా..?
cinema | Suryaa Desk | Published : Mon, Dec 19, 2022, 09:37 PM
ఈ సంక్రాంతికి వింటేజ్ చిరుని బిగ్ స్క్రీన్ పై చూసేందుకు మెగా అభిమానులు ఉత్సాహంతో ఎదురుచూస్తున్నారు. బాబీ కొల్లి డైరెక్షన్లో ఔటండౌట్ యాక్షన్ ఎంటర్టైనర్ గా రూపొందిన ఈ సినిమాలో మెగాస్టార్ చిరంజీవి గారు ఊరమాస్ అవతార్ లో కనిపించి, ఆడియన్స్ ను అలరించనున్నారు. ఈ సినిమాలో మాస్ రాజా రవితేజ కీరోల్ లో నటిస్తున్న విషయం తెలిసిందే.
విడుదల తేదీ దగ్గరపడుతున్న నేపథ్యంలో మేకర్స్ వాల్తేరు వీరయ్య ప్రమోషన్స్ ముమ్మరం చేసేందుకు ప్రయత్నిస్తున్నారు. ఈ మేరకు ఈ రోజే సెకండ్ లిరికల్ 'శ్రీదేవి చిరంజీవి' సాంగ్ విడుదల కాగా, అతి త్వరలోనే వాల్తేరు వీరయ్య ప్రీ రిలీజ్ ఈవెంట్ ను గ్రాండ్ మ్యానర్లో జరిపేందుకు మేకర్స్ రంగం సిద్ధం చేస్తున్నారు. అదేవిధంగా ట్రైలర్ ను ఒక స్పెషల్ అకేషన్ లో విడుదల చేసేందుకు మూవీ టీం సిద్ధమవుతోంది.
తాజాగా వినిపిస్తున్న బజ్ ప్రకారం, వాల్తేరు వీరయ్య ప్రీ రిలీజ్ ఈవెంట్ లోనే ట్రైలర్ విడుదల కాబోతుందని తెలుస్తుంది. జనవరి 8వ తేదీన వైజాగ్ లో ఈ మూవీ ప్రీ రిలీజ్ ఈవెంట్ జరగబోతుందని టాక్ నడుస్తుంది. మరి, ఈ విషయాలపై అఫీషియల్ క్లారిటీ రావలసి ఉంది.
|
|