ట్రెండింగ్
రేపే ... NBK 108 ప్రాజెక్ట్ ప్రారంభం ..?
cinema | Suryaa Desk | Published : Wed, Dec 07, 2022, 09:17 AM
నటసింహం నందమూరి బాలకృష్ణ ఈ సంక్రాంతికి 'వీరసింహారెడ్డి' గా ప్రేక్షకులను పలకరించడానికి రెడీ ఐన విషయం తెలిసిందే. గోపీచంద్ మలినేని డైరెక్షన్లో కమర్షియల్ యాక్షన్ ఎంటర్టైనర్ గా రూపొందుతున్న ఈ సినిమా షూటింగ్ దాదాపు ఫైనల్ స్టేజ్ కు వచ్చేసింది. దీంతో నందమూరి అభిమానుల్లో NBK 108 పై ఆసక్తి పెరిగింది.
తాజాగా అందుతున్న సమాచారం ప్రకారం, NBK 108 సినిమా రేపే సెట్స్ పైకి వెళ్లబోతుందట. హై ఇంటెన్స్ యాక్షన్ సీక్వెన్స్ షూటింగ్ తో ఫస్ట్ షెడ్యూల్ స్టార్ట్ అవ్వబోతుందట. ఈ షెడ్యూల్ దాదాపు రెండు వారాలపాటు ఉండనుందని వినికిడి. మరి, ఈ విషయమై అధికారిక ప్రకటన రావలసి ఉంది.
బాలకృష్ణ పుట్టినరోజు సందర్భంగా NBK 108 మూవీ అధికారిక ప్రకటన జరిగిన విషయం తెలిసిందే కదా. ఈ ప్రాజెక్ట్ కు అనిల్ రావిపూడి డైరెక్టర్ గా వ్యవహరించనున్నారు. శ్రీలీల కీలక పాత్రలో నటించనుంది.
|
|