ఆ పనిచేసి ... ప్రేక్షకాభిమానుల్లో ప్రత్యేక స్థానం సంపాదించుకున్న రౌడీ హీరో ..!!
cinema | Suryaa Desk | Published : Wed, Nov 16, 2022, 07:13 PM
రౌడీ హీరో విజయ్ దేవరకొండ... అనతికాలంలోనే స్టార్ స్టేటస్ అందుకున్నాడని చాలా మంది అభిప్రాయం. కానీ చిత్రపరిశ్రమలో ఎన్నో కష్టాలు పడి, చివరకు తాను అనుకున్నట్టుగా ప్రేక్షకుల్లో మంచి గుర్తింపును తెచ్చుకున్నారు విజయ్.
ఒక మధ్యతరగతి ఫ్యామిలీ బ్యాక్ గ్రౌండ్ నుండి వచ్చిన విజయ్ నవంబర్ 14న పేస్ హాస్పిటల్స్ నిర్వహించిన బాలల దినోత్సవ కార్యక్రమంలో మాట్లాడిన మాటలు నిజంగా ప్రేక్షకుల హృదయాలను దోచుకుంటున్నాయి. తాను, తన తల్లి ఇద్దరు కలిసి తమఅవయవాలను దానం చేసేందుకు రిజిస్టర్ చేసికొన్నామని చెప్పి, ప్రేక్షకాభిమానుల విశేష ప్రశంసలు అందుకుంటున్నాడు. "అవయవాలను వృధా చెయ్యకుండా, మనం చనిపోయిన తరవాత వేరొకరికి మన వల్ల పునర్జీవనం కలుగుతుందనే అంశం ఎంతో అందమైనది. ఈ మేరకు నేను, మా అమ్మ ఇప్పటికే అవయవ దానం చేసేందుకు రిజిస్టర్ చేసాం. నా అవయవాలను ఆరోగ్యంగా చూసుకుంటా.. ఆరోగ్యంగా, ఫిట్ గా ఉంటా... వేరొకరికి నా అవయవాలను ఆరోగ్యంగా అందిస్తా " అంటూ తన అభిమానులకు అవయవ దానం చెయ్యమని పిలుపునిచ్చారు.
|
|