ఆసక్తిని రేకెత్తిస్తున్న 'ఇట్లు మారేడుమిల్లి ప్రజానీకం' ట్రైలర్
cinema | Suryaa Desk | Published : Sat, Nov 12, 2022, 07:07 PM
ఏఆర్ మోహన్ దర్శకత్వంలో టాలీవుడ్ యంగ్ అండ్ టాలెంటెడ్ హీరో అల్లరి నరేష్ తన తదుపరి ప్రాజెక్ట్ ని అధికారకంగా ప్రకటించిన సంగతి అందరికి తెలిసందే. ఈ సినిమాలో శ్రీదేవి సోడా సెంటర్ ఫేమ్ ఆనంది కథానాయికగా నటిస్తోంది. ఈ చిత్రానికి 'ఇట్లు మారేడుపల్లి ప్రజానీకం' అనే టైటిల్ను ఖరారు చేశారు. అల్లరి నరేష్ ఈ సినిమాలో ఎలక్షన్ డ్యూటీపై గ్రామానికి వెళ్లే స్కూల్ టీచర్గా కనిపించనున్నాడని సమాచారం. ఈ సినిమా నవంబర్ 25న విడుదల కానుంది.
తాజాగా మూవీ మేకర్స్ ఈ సినిమా థియేట్రికల్ ట్రైలర్ను విడుదల చేశారు. మారుమూల ప్రాంతంలో ఎన్నికల నిర్వహణ బాధ్యతలు అప్పగించిన ప్రభుత్వ ఉద్యోగిగా నరేష్ నటిస్తున్నారు. ఆలోచింపజేసే డైలాగులతో ట్రైలర్ ప్రారంభం నుంచి చివరి వరకు ఆసక్తిని రేకెత్తిస్తోంది. దానికి తోడు బ్యాక్ గ్రౌండ్ స్కోర్, సినిమాటోగ్రఫీ చాలా ఆసక్తికరంగా ఉన్నాయి.
పోస్ట్ ప్రొడక్షన్ దశలో ఉన్న ఈ సినిమాలో వెన్నెల కిషోర్, ప్రవీణ్, సంపత్ రాజ్ తదితరులు కీలక పాత్రలు పోషించారు. ఈ చిత్రానికి శ్రీచరణ్ పాకాల సంగీత అందిస్తుండగా, హాస్య మూవీస్ అండ్ జీ స్టూడియోస్ ఈ సినిమాని నిర్మిస్తున్నాయి.
|
|