అఫీషియల్ : వాయిదా పడిన 'డ్రైవర్ జమున'
cinema | Suryaa Desk | Published : Fri, Nov 11, 2022, 07:11 PM
పా.కిన్స్లిన్ దర్శకత్వంలో కోలీవుడ్ లో గ్లామర్ బ్యూటీ ఐశ్వర్య రాజేష్ ఒక క్రేజీ ప్రాజెక్ట్ ని ప్రకటించిన సంగతి అందరికి తెలిసిందే. ఈ సినిమాకి 'డ్రైవర్ జమున' అనే టైటిల్ ని మూవీ మేకర్స్ లాక్ చేసారు. నవంబర్ 11, 2022న థియేటర్లలో తమిళం, తెలుగు, మలయాళం, కన్నడ భాషల్లో విడుదల కావాల్సిన ఈ సినిమా విడుదల వాయిదా పడినట్లు చిత్ర బృందం ఆన్లైన్లో అధికారికంగా ప్రకటించింది. రోడ్ థ్రిల్లర్గా రూపొందించబడిన డ్రైవర్ జమున మూవీ కొన్ని అనుకోని సమస్యల కారణంగా ఈ చిత్రాన్ని విడుదల చేయడం లేదని మేకర్స్ ప్రకటించారు. త్వరలోనే కొత్త విడుదల తేదీని చిత్రబృందం ప్రకటించనుంది.
ఆడుకలం నరేన్, కవితా భారతి, అభిషేక్ కుమార్, ఇళయ పాండి, మణికందన్ రాజేష్ తదితరులు ఈ చిత్రంలో కీలక పాత్రలు పోషించారు. మహిళా క్యాబ్ డ్రైవర్ రోజున జరిగే సంఘటనల చుట్టూ ఈ సినిమా వెళ్తుంది అని సమాచారం. ఈ చిత్రానికి గిబ్రాన్ సంగీతం అందించారు. 18 రీల్స్పై ఎస్.పి.చౌదరి ఈ సినిమాని నిర్మిస్తున్నారు.
|
|